ဒပ်ပၞာန်ကချေၚ် KIO တံ ပတိတ်လိက်လလောၚ်တြး ဇၟာပ်မၞိဟ်ဒးကေတ်တာလျိုၚ် ပ္ဍဲပၞာန်ဂှ် ပရိုၚ်ပတောံ

by | May 13, 2021 | ပရိုင်ပတောံ: Fact-Checking, ပရိုၚ် | 0 comments

ပ္ဍဲကဵုဂိတု မေ စၟတ်တ္ၚဲ ၁၂ အခိၚ်နူဂယးဂှ် ပ္ဍဲဒေသတိဍာ်ကချေၚ်ဂှ် ဇၟာပ်မၞိဟ်ဒးလုပ်ယိုက်ဂၠေၚ်ပၞာန်ရောၚ် လိက်လ လောၚ်တြး ဒုၚ်လဝ်ယၟု ကမ္မတဳဗဟဵု KIO ဟီုဂှ် ဒှ်ပရိုၚ်ပတောံမွဲရောၚ် ဂွံတီကေတ်ရ။

လိက်လလောၚ်တြး နူကဵု KIO ရောၚ် ဂးတုဲ မပြးတိတ်ဒၟံၚ်လ္တူ လပှ်ကျာတအ်ဂှ် ပရိုၚ်ပ္တောံမွဲရောၚ် ဂွံတီကေတ်လဝ်ရ။ ပ္ဍဲကဵုလိက်လလောၚ်တြးဂှ်မ္ဂး ပါဒၟံၚ် (၅) တၚ်ရောၚ် ဂွံတီကေတ်လဝ်ရ။

ပ္ဍဲကဵု ပရူပရာချူလဝ် ဂမၠိုၚ်တအ်ဂှ် တၚ်အဓိကဂှ်မ္ဂး သွက်ဂွံစဵုဒၞာနူဘဲအန္တရာဲမာန်ဂှ် ပ္ဍဲကဵုတွဵုရးကချေၚ်ဂှ် ဇၟာပ်မၞိဟ် ပွိုၚ် (၃) သၞာံ ဟွံယိုက်ဂၠေၚ်တာလျိုၚ်ပၞာန် မံၚ်ဟွံဂွံကီု၊ ဗွဲကြဴနူကဵု သၞာံ ၁၉၆၀ ဂှ်မ္ဂး မၞိဟ်ဆုဲပြံၚ်ကၠုၚ်လဝ် ပ္ဍဲတိဍာ်ကချေၚ်တအ် သီုဖအိုတ်ဂှ် ပ္ဍဲကဵု ပွိုၚ် (၆) ဂိတုဏအ် ညံၚ်သ္ဂောံပြံၚ်တိတ်အာ နူကဵုသ္ဇိုၚ်တမ်မူလတိဍာ်တအ်ညိဂှ်လေဝ် ချူပတိုန်လဝ်ရ။

ပရိုၚ်ဏအ်ဂှ် ဒှ်ပရိုၚ်ပ္တောံမွဲရောၚ်ဂှ် နူကဵုဌာန်ပရို်ၚ် Kachin News Group တအ် သ္ပဒတန်လဝ် နွံမံၚ်ရ။ တုဲပၠန် နူကဵု မၞိဟ်လလောၚ်ပရိုၚ် သ္ကိုပ်ဗိုလ်ဇၞော် နော်ဘူက ဟီုလဝ်ကဵု KNG ဂှ် ပရိုၚ်ဏအ်ဂှ် ပရိုၚ်ပ္တောံမွဲရောၚ် ဟီုဂးလဝ်ရ။

ပ္ဍဲကဵုလိက်လလောၚ်တြးပ္တောံဏအ်ဂှ် ဒၞာဲကဵု ဗဟိုကော်မတဳ လ္တူလိက်ဂှ် ချူလဝ် KIO ဂှ် တၞဟ်ခြာနူကဵု လိက်လလောၚ်တြးဇေတ်တ် KIO တအ် ပတိတ်လဝ်ရောၚ် နူကဵု ကဏ္ဍ “ဒး ဟွံ ဒး တုဲ ချပ်” ပိုယ်တအ် သ္ပဒတန်လဝ်ရ။

နူကဵု ဌာန်ပရိုၚ် (တွေ႕ပြီမှယုံ) ကီု၊ (ခေတ်သစ်မဳဒဳယာ) ကီု၊ The 74 Media ကီုဂှ် လိက်လလောၚ်တြးဏအ်ဂှ် ဒှ်လိက်လလောၚ်တြး ပ္တောံမွဲရောၚ် နူကဵုဌာန်ပရိုၚ်တအ်ဏအ် သ္ပဒတန်လဝ်ရောၚ် ဂွံတီကေတ်လဝ်ရ။

ပရိတ်သာတ်ပိုယ်တအ်လေဝ် အဃောကာလ ပရေၚ်ဍုၚ်ကွာန်က္တဵုဒှ်မံၚ်အခိၚ်လၟုဟ်တအ်ဂှ် ပရိုၚ်ပ္တောံတအ်ဂှ် တိုန်စိုပ်လ္တူလပှ်ကျာတအ် လောဲသွာမံၚ်ရ။ အခိၚ်ကာလ ပၞာန်ကဵု ဒပ်ဗၠးၜးကချေၚ်တအ် က္တဵုဒှ်ဒၟံၚ်ပၞာန်တအ်တုဲ ပရိုၚ်ပ္တောံဗွဲမဂၠိုၚ်တအ် ပြးတိတ်မာန်မံၚ်ရ။ ပရိတ်သာတ်ညးမဗှ်လ္ၚတ်ဒၟံၚ်ပရိုၚ်တအ်ဂှ် စွံသတိကဵုပရိုၚ်ပ္တောံညးဂှ် မိက်ဂွံဗတိုက်ဖအောဝ်ဏာရ။

Reference>>တွေးပြီးမှယုံ-Think Before You Trust 

Written by

Related Posts

ညးအဝဲကၠောန်ကမၠောန်တအ် တိတ်ကၠောန်စဍုၚ်မ္ၚးဂၠိုၚ်တုဲ စိုပ်အခိၚ်ဗတမ်မ ဂၠာဲကောန်ကမၠောန်ဝါတ်

ညးအဝဲကၠောန်ကမၠောန်တအ် တိတ်ကၠောန်စဍုၚ်မ္ၚးဂၠိုၚ်တုဲ စိုပ်အခိၚ်ဗတမ်မ ဂၠာဲကောန်ကမၠောန်ဝါတ်

ညးဍုၚ်ကွာန်အဝဲကၠောန်ကမၠောန်တအ် တိတ်အာကၠောန်စဍုၚ်မ္ၚးဂၠိုၚ်တုဲ ဇၟာပ် စိုပ်အခိၚ်ဗတမ်မဏံ ဂၠာဲကောန်ကမၠောန်ဝါတ်မံၚ်ရောၚ် တၠဝါဗ္ၚတအ်ဟီုရ။

ပေါဲရုဲမာဲဒှ်မ္ဂး သ္ကိုပ်ဗိုလ်ပၞာန်တံ ညးဂှ်ပါလုပ် ပ္ဍဲပေါဲရုဲမာဲတုဲ ညးဂှ်ဆက်သှ်ေ ပ္ဍဲဒပ်ပၞာန်ရော?

ပေါဲရုဲမာဲဒှ်မ္ဂး သ္ကိုပ်ဗိုလ်ပၞာန်တံ ညးဂှ်ပါလုပ် ပ္ဍဲပေါဲရုဲမာဲတုဲ ညးဂှ်ဆက်သှ်ေ ပ္ဍဲဒပ်ပၞာန်ရော?

ခြာဟွံလအ် ပေါဲရုဲမာဲမေန်အံၚ်လှာၚ်တံဒှ်ကၠုၚ်မ္ဂး အကာဲအရာ သ္ကိုပ်ဗိုလ်ပၞာန်ဂမၠိုၚ် ဒှ်အာဗီုကဵု လောန်ကၠုၚ် ၁၅ သၞာံတေံပၠန်ရောၚ်။ ပေါဲရုဲမာဲ ၂၀၁၀ လောန်ကၠုၚ်တေံ ပ္ဍဲဒပ်ပၞာန်ဂှ် ညးဂှ်သှ်ေပ္ဍဲဒပ်တုဲ ညးဂှ်လုပ်ပေါဲရုဲမာဲဂှ် ဒှ်ကၠုၚ်ပဟေဠိမွဲရ။ လၟုဟ်လေဝ် က္ဍိုပ်သ္ကိုပ်ပၞာန် မေန်အံၚ်လှာၚ်ဂှ် ညးတာလျိုၚ်ပၞာန်ဇၞော်ဇၞော် ပ္ဍဲရုၚ်ပၞာန်တံ ညးဂှ် စိုတ်လုပ်စကဵုပေါဲရုဲမာဲကီုရောဂှ် ဗက်သၟာန်ကေတ်မံၚ်စရၚ်ရောၚ် နူကဵုတမ်ရိုဟ်ပရိုၚ် နေပျဳဒဝ်တံ သ္ဂးရ။

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) / ဒပ်မန်ရာမည နွံ

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) / ဒပ်မန်ရာမည နွံ

ဒပ်မန်မွဲဂကောံ သွက်ဂွံလုပ်ပံၚ်တောဲ ပ္ဍဲဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) /ဒပ်မန်ရာမညဂှ် တုပ်လဝ်စိုတ် ဗွဲအပြောံနွံမံၚ်ရောၚ် ဥက္ကဌ ကမ္မတဳက္ဍိုက်ပ် ပရေၚ်ဍုၚ်ကွာန်၊ ပရေၚ်ပၞာန် နာဲဇဲယ ဟီုဓမံက်ကၠုၚ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.