ပူဂဵုနုက်တိတ်လဝ် နူဗော်ညဳသၟဟ်မန်ဂမၠိုၚ်ဂှ် ဖန်ဇန်မံၚ် သွက်ဂွံဒက်အာ ဂကောံပရေၚ်ဍုၚ်ကွာန်ဂကူမန်နွံ

by | May 18, 2021 | ပရိုၚ် | 0 comments

မိလတိုပ်ဗု၊ မေ ၉၊ ၂၀၂၁

ပူဂဵုနုက်တိတ်လဝ် နူဗော်ညဳသၟဟ်မန်ဂမၠိုၚ် စန်ဒက်ပကောံအာဇြဟတ် ဗွိုၚ်ဂကောံမဟာဇန် လညာတ် ဆန္ဒတုပ်တံတုဲ စဳဇန်မံၚ် သွက်ဂွံဒက်အာ ဂကောံပရေၚ်ဍုၚ်ကွာန်ဂကူမန် မွဲဂကောံရောၚ် ညးစၞးဇၞးလဝ်မာဲ တုဲကၠုၚ်ပေဲါရုဲမာဲ (၂၀၂၀)၊ ညးနုက်တိတ်နူဗော်ညဳသၟဟ်မန်မွဲတၠ ဟီုရ။
“ပိုဲချပ်လဝ်ဂှ်တှေ် ကော်ဘိက်အာ ဗွိုၚ်ဂကောံမဟာဇန်တံ ဗီုကဵုဂကောံဌာန်ကောံသၟတ်မန် (MYF) တံ၊ ဂကောံ အာဲကၟာဲတံ၊ ဂကောံအစောန်စရာဲမၞိဟ်ဗြဴတံ၊ ဂကောံအာဲကၟာဲတံ တုဲတှေ် ချပ်သဳကၠဳအာ အရၚ်ဂွံဒက်ပတန် ဂကောံ ကၠောန်ကေၚ်ကာပရေၚ်ဂကူမန်၊ ဟီုဍန်ဍန်တှေ် ဂကောံကၠောန်ပရေၚ်ဍုၚ်ကွာန်ဂကူမန် ဒးဒှ်ဏောၚ်” သာ်ဏံ နာဲမန်ရာဇာ ဟီုရ။
ကြဴနူကဵု ဗော်ညဳသၟဟ်မန် ပါလုပ်ပ္ဍဲကံၚ်ဇြဳအုပ်ဓုပ်ဍုၚ်တုဲဂှ် ပ္ဍဲဗော်ညဳသၟဟ်မန် အဆံၚ်ကမ္မတဳကေၚ်ကာဗဟဵု (၁၉) တၠ၊ အပ္ဍဲဂှ် ဂကောံညးအုပ်ကာ (၂) တၠ၊ ကမ္မတဳဗဟဵု (၁၅) တၠ၊ ပံၚ် ကမ္မတဳဗဟဵု (၃၄) တၠ ပတိုန်လဝ်လိက်နုက် တိတ်နူဗော်ရ။
“သွက်ဂွံကော်ကောံဓရီုဂှ် ကၠာတဲဂှ် ချိၚ်လဝ် ဂိတုမေမံက်ဏံရ၊ မုဒှ်ရောဟီုတှေ် မၚ်ရံၚ်မံၚ် အကာဲအရာ ပရေၚ်ဍုၚ် ကွာန်ညိ၊ အကြာဏံ အခိၚ်ခိုဟ်ညိတှေ် သွက်ဂွံကော်ရ၊ ဒက်ပတန်အာဂကောံ ပ္ဍဲကောံဓရီုဂှ်ရဏောၚ်” နာဲမန် ရာဇာ ဆက်ဟီုထ္ၜးရ။
ပူဂဵုနုက်တိတ်နူဗော်ညဳသၟဟ်မန်ဂမၠိုၚ်ဂှ် လၟုဟ်မ္ဂး ချူဓဇက်ဒၟံၚ် သၞောဝ်ဒက်ပတန်ဂကောံ မူအပြောံနွံရ။ တုဲမ္ဂး ကသေအ်ကၟဝ်အာ ဂကောံမဟာဇန် ညးဆန္ဒတုပ်တံတုဲ ခြာဟွံလံဏံမ္ဂး ကော်အာကောံဓရီု သွက်ဂွံဒက်ပ တန်အာ ဂကောံပရေၚ်ဍုၚ်ကွာန်ဂကူမန်ဂှ်ရောၚ် ဂွံတီကေတ်ရ။

Written by

Related Posts

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

အလာံကၟိန်ဍုင် ကဵု အလာံကောန်ဂကူဗၟာ ဗီုလဵုတၞဟ်ခြာရော

ပ္ဍဲစင်အသေအဟာန်တ္ၚဲကောန်ဂကူမန် လ္ဒောဝ်တပ်တပ်ဂှ် ဒးပစူသၠုင်လဝ်အလာံကၟိန်ဍုင်ရောင် ဂျာန်နဝါရဳ ၃ တုဲ ကၠုင်ဂှ် နူကမ္မတဳကၠောန်ဗဒှ်တ္ၚဲကောန်ဂကူမန် ဗဟဵုတအ် ပတိတ်ကၠုင်လိက်စေဝ်ပၞောန် စပ်ကဵုအလာံတုဲ မၞိဟ်လ္ၚဵုဟွံ ပေင်စိုတ်ရ။

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲသၞာံဏံ ညံၚ်ဂွံတြးအာ (Mon E-book)မွဲမာန်ဂှ် နကဵုဘာကဝ်လိက်ကောန်ဂကူမန် ဂစာန်ကၠောန်မံၚ်နွံ

ပ္ဍဲကဵုသၞာံ ၂၀၂၅ ဏံ ညံၚ်မိမညးဍုၚ်ကွာန် ကေုာံ သၟတ်ကွးဘာမန်တအ် သ္ဂောံစကာအာ လိခ်ပတ်မန် လတူလပှ်ကျာမာန်ဂှ် နကဵုညးတာလျိုၚ်ဌာနကမၠောန်ပတိုန်လိခ်ပတ်မန် လတူဓါတ်လပှ်ကျာ ဘာကဝ်လိက်မန်တအ် ဂစာန်ကၠောန်မံၚ် (Mon E-book project) မွဲနွံဂှ် ဂွံတီကေတ်ရ။

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

စပ်ကဵုကမ္မတဳကၠောန်ဗဒှ်တ္ရဲကောန်ဂကူမန် ဗဟဵု ပတိတ်လိက် စေဝ်ပၞောန်အလာံတုဲ ညးဂမၠိုင် ပါ်ပါဲ

ကြဴနူကဵု ကမ္မတဳကၠောန်ဗဒှ်တ္ရဲကောန်ဂကူမန် မရနုက်ကဵု (၇၈)ဝါ ဗဟဵုတံ ပတိတ်ကၠုင်လိက် စေဝ် ပၞောန် အလာံပ္ဍဲတ္ရဲကောန်ဂကူမန်ဂှ်တုဲ ညးဂမၠိုင် ဟီုပါ်ပါဲကၠုင်နွံရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.