ပိုဲဆဵုတမ်ရိုဟ်ပရိုၚ် လ္တူ social media မွဲမွဲမ္ဂး ပရိုၚ်ပိုဲဆဵုလဝ်တအ်ဂှ် ပရိုၚ်ဍာံဍာံမွဲဏောၚ်ဂှ် ပိုဲစၟတ်သတီထောံ ဟွံဂွံရ။

ရဲဖန်ဗဒှ်ပရိုၚ်ပတောံတအ် ပရိုၚ်ပတောံမွဲပိုဒ်မ္ဂး ဍေံတအ်ချူပတောံကေတ် သၟးဟွံက လဆဝ်တှေ် ဗီုဇဂှ်ကလေၚ်ပဠောဝ်ထောံတုဲ ပတောံပတိုန်စပရိုၚ်ပတောံတအ်ဒှ်မာန်ရ။

တုဲပၠန် ကေတ်လဝ်ဗီုတြေံတြေံကဵုဒှ်၊ ဗီုအခိၚ်လောန်ကၠုၚ်လဝ်တုဲတုဲတအ်ဂှ်ကဵုဒှ် ညံၚ်ကဵုဒှ်မံၚ်အခိၚ်လၟုဟ်ကီု ကလေၚ်ပတိုန်စ လ္တူpageပတောံ၊ postပတောံတအ်ဗွဲမဂၠိုၚ်ဂှ် ပိုဲတအ်ဂွံဆဵုကေတ်မံၚ်လ္မိုန်ရ။

ဆဵုပရိုၚ်မွဲမွဲ ယဝ်ခါရ ဒှ်မံၚ်သံသယလ္တူပရိုၚ်ဂှ်တှေ် သ္ရဳဂၠိပ်ရံၚ်အတိုၚ်မစုတ်လဝ်ဗီုကဵုပရိုၚ်ဂှ်ညိ။ ဗီုပတိုန်လဝ်တအ်ဂှ် ဗီုရုပ်အခိၚ်လၟုဟ်ရဟာ၊ အခိၚ်တုဲကၠုၚ်တေံဟာဂှ် ညံၚ်ဂွံတီကေတ်မာန်ဂှ် နဲကာဲစၟဳစၟတ်ဗီုပ္ဍဲinternetနွံရ။

ဗီုတအ်ဂှ် စၟဳစၟတ်ကေတ်နကဵု Google Image Search (image.google.com) ဂှ်တှေ်ဂွံတီရ။ ဗဵုကေတ်ဗဳဒဳယဳု အတိုၚ်ဗွဲသၟဝ်ဏံဂှ်တှေ် နဲကာဲလဵုမွဲ ဂွံဂၠိုက်ဂၠာဲ၊ စၟဳစၟတ်ကေတ်ဗီုရုပ်ပ္ဍဲဂှ်မ္ဂး တီညာတ်ကေတ်မာန်ရောၚ်။