Categories
ပရိုၚ်

ကွးဘာတန်ဝၚ်လၟိဟ်ၜိုတ်နွံ ဂွံအခေါၚ်သွဟ်လိက် အလုံဒေသရးမန်ရောၚ်

မာံသုခ၊ မေ ၁၁၊ ၂၀၂၂

(၁၃၈၄) သၞာံ၊ ဂိတုပသာ် (၇) စွေက်ဏံ ဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ ကၠောန်ဗဒှ်အာ ပေဲါသၟာန်သှ်လိက် အလုံဒေသရးမန် မရနုက်ကဵု (၂၃) ဝါ ပ္ဍဲကျာ်ဒေါဝ်သာသနာ (၂၅၀၀) ဍုၚ်မတ်မလီုနွံရ။
ကွးဘာတန်ဝၚ်လုပ်သွဟ်လိက် အလုံဒေသရးမန်သၞာံဏံဝွံ ဟွံတုပ်ကဵုလၟေၚ်သၞာံတုဲ သၞာံတုဲကၠုၚ်တေံ မွဲပွိုၚ်ဍုၚ်မ္ဂး ကွးဘာဂွံအခေါၚ်လုပ်သွဟ် အလုံဒေသရးမန်မူစိတၠ ဗီုဏံ ခုတ်ကၠုၚ်လဝ်နွံတုဲ သၞာံဏံ ကွးဘာနူပွိုၚ်ဍုၚ် တန်ဝၚ်လၟိဟ်ကွးဘာၜိုတ်နွံ ဟွံခုတ်လၟိဟ် ပတိုန်စရၚ် ဂွံအခေါၚ်လုပ်သွဟ်လိက် အလုံဒေသရးမန်ဖအိုတ်ရ။
“ကွးဘာတန်ဝၚ်တအ် အရိုဟ်ရိုဟ်သၞာံဂှ်တှေ် အပိုၚ်ခြာကွးဘာ ပွိုၚ်ဍုၚ်တုဲတှေ် သၞာံဏံတှေ် ဟွံပိုၚ်ခြာပုဟ် ကေတ်ဖအိုတ်၊ ကွးဘာဂှ် ဂၠိုၚ်ကၠုၚ်ဏောၚ်၊ ဖအိုတ် စရၚ်ကောံအိုတ်တှေ် ကွးဘာဒှ်အာ အကြာၜိုတ် (၃၅၀၀)” သာ်ဏံ ကျာ်ဇၞော်အ္စာသဳလဝန္တ ဘာဟံသာထဝ် ဟီုမြော်ထ္ၜးရ။
ကွးဘာဂမၠိုၚ်တအ်ဂှ် ပါ်သွဟ်အာ ၜါအခိၚ်တုဲ တန်အဘိဓရ်သက်သက် နူဂယး စနူကဵု (၈:၃၀) စိုပ် (၁၁:၃၀) နာဍဳ၊ သှေ်မံၚ် (၅) တန်ဝွံ စနူ(၁၂:၃၀) စိုပ် (၃:၃၀) နာဍဳ ပါ်လဝ်နွံရ။
တန်လုပ်သွဟ်အလုံဒေသရးမန်ဝွံ (၁) တန်အဘိဓရ်၊ (၂) တန်ဝၚ်ဟံသာဝတဳ၊ (၃) တန်ဝၚ်မုဟ်တၟအ်၊ (၄) တန်ဝၚ်သုဝဏ္ဏဘုံ၊ (၅) တန်ဝၚ်လိက်ပတ်မန်၊ (၆) တန်ဝၚ်အခိုက်ကၞာမန်ရ။
တ္ၚဲသဘၚ်ကဵုလာဘ်စှေ်ဘာအလုံဒေသရးမန်ဂှ်ဝွံ ကၠောန်ဗဒှ်အာ ပ္ဍဲဂိတုပသာ်အိုတ်၊ ဌာနဘာတိုက်ဗု၊ ကွာန်ဒံၚ်ဥ ပွိုၚ်ဍုၚ်ၜါသွာၚ်ဂှ်ရောၚ်။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.