တ္ၚဲဏံ ဂိတုပသာ် (၁၀) မံက်၊ အခိၚ်နူဂယးပြဟ် (၁) နာဍဳကဝိုက်ဍုၚ်သေံဂှ် နူကဵုဗၠာဲသၟိၚ်သေံပွိုၚ်ဍုၚ်သၚ်္ခဠၜူရဳ (ကွာန်ဝၚ်္က) တံ ထပ်ရပ်ဂွံကောန်ဍုၚ်ဗၟာ ရဲညးကၠတ်လုပ်ဍုၚ်သေံ လၟိဟ် (၇၁) တၠပၠန်ရောၚ် ဂွံဆဵုကေတ်ရ။
အပ္ဍဲကဵုမရပ်ဂွံလဝ်ကောန်ဍုၚ်ဗၟာ (၇၀) တၠဏံဂှ်ဝွံ မၞိဟ်တြုံ (၃၂) တၠ ကဵု မၞိဟ်ဗြ (၃၉) တအ်ပါလုပ်ဒၟံၚ်တုဲ ဗၠာဲသၟိၚ်သေံဍုၚ်ကမ္မရဳ ကဵု ဗၠာဲသၟိၚ်သေံသၚ်္ခဠၜူရဳ (ကွာန်ဝၚ်္က) တံ ပံၚ်တောဲစၟဳစၟတ်တၞးလိက်သက်သဳ တတ်ကၠောံဍုၚ်တုဲ ရပ်ဂွံလဝ်ရောၚ် ဂွံတီကေတ်ရ။
ဒှ်သာ်ဂှ်ရ ကောန်ဍုၚ်ဗၟာတဏံဂှ် ဟိုတ်နူကၠတ်လုပ်ကၠုၚ်နကဵုဂၠံၚ်ဟွံသၞောဝ်ဂှ်ရ နူကဵုဗၠာဲသၟိၚ်သေံ (ကွာန်ဝၚ်္က) တံ ရပ်ထိၚ် စၟဳစၟတ်ကေတ်အာအရေဝ်ရောၚ် ဂးရ။
ပ္ဍဲကဵုပွိုၚ်ဍုၚ်သၚ်္ခဠၜူရဳ (ကွာန်ဝၚ်္က) ကဵု ပယျဵုဒေသကျာ်ပိဂှ်ဝွံ သွက်ကောန်ဍုၚ်မန်ဗၟာတအ်မ္ဂးတှ်ေ ဒှ်ပၞော်ဂၠံၚ်လုပ်တိတ်အဓိကမွဲရ။
ပ္ဍဲကဵုဂိတုပသာ်မံက် သတ္တဟဏံသၟးဂှ်ဝွံ နူကဵုဗၠာဲသၟိၚ်သေံ မၚ်ပယျဵုဒေသတအ် ဟိုတ်ပတေၚ်လဝ်ပရေၚ်ဂီုကၠီုနွံဂှ်ရ စၟဳစၟတ်ရပ်ဒၟံၚ်မၞိဟ်ကၠတ်လုပ်ဍုၚ်တအ် အဆက်က်နွံကၠုၚ်တုဲပ္ဍဲအကြာမွဲၜါတ္ၚဲဏံသၟးဂှ် စၟဳစၟတ်ရပ်လဝ်ကောန်ဍုၚ်မန်ဗၟာတအ် လၟိဟ် (၂၀၀) တၠပြၚ်ကၠုၚ်မံၚ်ယျရောၚ် ဂွံတီကေတ်ရ။
0 Comments