နူတနေံဏအ် ဂိတုအေပရဴ စၟတ်တ္ၚဲ (၂၇)၊ ပ္ဍဲကဵုဇြာယျော်၊ ဒေသကမ္မရဳဂှ်ဝွံ ဗၠာဲသၟိၚ်သေံတအ် ထပ်ရပ်ဂွံလဝ် ကောန်ဍုၚ်မန်ဗၟာ ကၠတ်လုပ်ဍုၚ်သေံ လၟိဟ် (၁၉) တၠပၠန်ရောၚ် ပရိုၚ်သေံဂမၠိုၚ် ပ္တိုန်ထ္ၜးလဝ်ရ။
ပ္ဍဲကဵုရပ်ဂွံကောန်ဍုၚ်မန်ဗၟာ (၁၉) တၠဏအ်ဝွံ မၞိဟ်တြုံ (၁၅) တၠ ကဵု မၞိဟ်ဗြဴ (၄) တၠ ပါလုပ်မံၚ်တုဲ ဗၠာဲသၟိၚ်သေံတအ် ရပ်ဂွံညးတအ် ပ္ဍဲကဵုကၠအ် နွံကြပ်ဘာဝါတ်ပူဘောၚ်ဂှ်ရောၚ် ဂွံတီကေတ်ရ။
ဗၠာဲသၟိၚ်သေံ ဒပ်မၚ်ဂီုကၠီု ဒေသပယျဵု မၞုံပ္ဍဲကမ္မရဳ၊ သၚ်္ခဠၜုရဳတအ်ဝွံ ဟိုတ်နူပတေၚ်လဝ် ပရေၚ်စၟဳစၟတ်ဂှ်ရ ရပ်စပ်ဂွံမံၚ် ကောန်ဍုၚ်မန်ဗၟာတအ် အဆက်က်နွံကၠုၚ်ရ။
ညးသီုဖအိုတ်တအ်ဝွံ ကၠုၚ်နူကဵု ရးတၞၚ်သဳ၊ ထဝါဲ၊ သွက်ဂွံအာကၠောန်ကမၠောန် ဇရေၚ်ဒေသ ခရိုၚ်ရာတ်ၜုရဳတေံတုဲ ဒးကဵုကၠုၚ်စရိတ်ဂၠံၚ် ကုဃံၚ်ထပၠုပ်မၞိဟ်တအ် ညးမွဲတၠမ္ဂး ဩန်သေံ (၂၀,၀၀၀) ၝာတ် နွံကၠုၚ်ရ။
ပြဟ်ဟ်ဏအ်ဝွံ ညးကၠတ်လုပ်ဍုၚ်သေံ ကောန်ဍုၚ်မန်ဗၟာ လၟိဟ် (၁၉) တၠတအ်ဂှ် ဗၠာဲသၟိၚ်သေံတအ် ရပ်ထိၚ်စၟဳစၟတ် ကေတ်မံၚ်အရေဝ်ရောၚ် ဂွံတီကေတ်ရ။
အပ္ဍဲဂိတုအေပရဴဏအ်သၟးဂှ် ဗၠာဲသၟိၚ်သေံ ဒပ်မၚ်ဂီုကၠီု မၞုံဒေသကမ္မရဳ၊ သၚ်္ခဠၜုရဳတအ် စၟဳစၟတ်ရပ်ဂွံမံၚ်ကောန်ဍုၚ်မန်ဗၟာ ကၠတ်လုပ်ဍုၚ်သေံ လၟိဟ် (၅၀) တၠပြၚ်ဣရရောၚ် ဂွံတီကေတ်ရ။
ဗီုရုပ် – Kanchanaburi News
