ပ္ဍဲကဵုစှ်ေဘာဥတုက္ညၚ် မရနုက်ကဵု (၁၁) ဝါ ဌာန-ဘာဝၚ်္ကဝိဝေကာရာမ ကွာန်ဝင်က ပွိုၚ်ဍုၚ်ကမ္မရဳ ဍုၚ်သေံဂှ် သၟာဒယှ်ေဒွက်မန်ဒယှ်ဂမၠိုင်လေဝ် တိုန်စိုပ်ဒယှ်ေလဟိင်ကဵုဒွက်ကီုဏောင် ဂွံတီကေတ်ရ။

ဂိတုမေ စၟတ်တ္ရဲ ၂၂ အခိင်ဗ္တံ စနူအခိင် (၇) နာဍဳဂှ် နွံအစဳအဇန်လှ်ေဒယှ်ေယေန်သၞာန်မန်ကီု သီုကဏ္ဍဒယှ်ေလဟိင်ဒွက်ဂမၠိုင်တုဲဂိတုမေ စၟတ်တ္ရဲ ၂၃ အခိင်နူဂယး စနူ (၈) နာဍဳဂှ် ပ္တိုန်စရာဲကဵုအာလာဘ်ကုကွးဘာမန် ကွာန်ဝကႅဂမၠိုင်ရောင် ဂွံတီကေတ်ရ။

“ရန်တၟံကၠောန်ဗဒှ်ဂဳတမန်ဟီုဂှ် ကောန်ၚာ်ကွာန်ဝင်ကမန်ပိုဲတံ ဂွံဆဵုအာ သၟာဂဳတပိုဲကီု၊ ရဲသၟာဂဳတတံလေဝ် ဂွံဆဵုအာဇြဟတ်ရဲကွာန်ဝင်ကကီု၊ ညးမွဲကဵုညးမွဲ ဂွံကၠောံဍ မေတ္တာဂွံက္တဵုဒှ်ညးသ္ကံ ဇကုလေဝ်နွံမံၚ်ဏံတုဲ အာတ်အခေါၚ်ညးတံတုဲ ညးတံကဵုအခေါၚ်ကၠောန်ဂှ်ရ ဍေံဒှ်ကၠောန်အာရောၚ်” သာ်ဝွံ ညးဖန်ဇန်ကမၠောန် သွက်ကဏ္ဍဒယှ်ေဒွက် ဟံၚ်ဆာန် ဟီုရ။

ပြဟ်ဟ်ဏံ ၜိုတ်ပ္ကောံပ္ကေဝ်ဂွံလဝ်စရင်ယၟု သၟာဒယှ်ေဒွက်ဒယှ်ဂမၠိုင်မ္ဂး ဟံၚ်ဆာန်၊ စၟဳဆာန်၊ အနဂ္ဃ၊ အဗ္ဘဏ်၊ အကးပေၚ်၊ သပ္ပါဲ၊ ဆန္ဒ၊ နဒဳ၊ သရဖဳ၊ ဂဳဂဳနန်တံ သွက်ဂွံတိုန်စိုပ်ဒယှ်ေလဟိင်ကဵုဒွက်နွံရောင် ညးဆက်ဟီုရ။

ဒှ်သာ်ဂှ်ရ ပရိသာတ် ညးဆာန်သ္ဍိုက်ဂဳတမန် မၞုံဌာန်သ္ရောဲကြပ်ဂမၠိုင် ကၠုင်စိုပ်ကဵုဇြဟတ်မာန်ရောင်ဂှ်လေဝ် ဟံင်ဆာန် ပၟိင်ပၟဟ်လဝ်ကီုရ။

အစဳအဇန် ကဵုလာဘ်ပ္တိုန်စရာဲ ကွးဘာတံကီု သီုအစဳအဇန် ဒယှ်ေလဟိင်ဒွက်တံကီုဂှ် ကၠောန်ဗဒှ်အာ ဒၞါဲဇြပ်ကောံဓရီု မၞုံလ္ဒောဝ်ကွာန်ဝင်ကဂှ်ရောင် ဂွံတီကေတ်ရ။

ပ္ဍဲကဵုသၞာံဏံဂှ် ကွးဘာမန် တန်ဝင်မုတ္တမ၊ တန်ဝင်ဟံသာဝတဳ၊ တန်အဘိဓရ်၊ တန်ယေန်သၞာင်၊ တန်ဒုတိယ၊ တန်ပထမ ကေုာံ တန်ကောန်င္ရာ်ဖ္အိုတ် လုပ်သွဟ်လဝ် (၁၈၆) တၠဂှ် အံင် (၇၈) တၠရောင် ဂွံတီကေတ်ရ။

ကျာ်ဇၞော်အ္စာခမဳသင်တံ အာက္ဍိုပ်တုဲ ပံက်ဗ္တောန်ကၠုင်လဝ် ဘာမန်ဥတုက္ညင် ပ္ဍဲကွာန်ဝင်ကဂှ် စိုပ်သၞာံဏံမ္ဂး ပေင်ကၠုင် မရနုကဵု (၁၁) ဝါရောင်။

ဗီုရုပ် – Watsutum Watsutam