သၞာံ (၂၀၂၆) ဂိတုမေ စၟတ်တ္ၚဲ (၁၁) တ္ၚဲဏအ် အခိၚ်နူဂယးဂှ်ဝွံ သ္ကိုပ်ဝန်ဇၞော်သေံတြေံ တက်ဇြေန် ယှေန်နဝါတ် ကလေၚ်ဗၠးတိတ်ကၠုၚ် နူထံၚ်ၜၚ်ကံက်ဂှ်ဣရရောၚ် ပရိုၚ်သေံဂမၠိုၚ် ချူဓမံက်လဝ်ရ။
ဟိုတ်နူလုတ်လောန်လဝ်ဒုဟ်တုဲ တက်ဇြေန် ယှေန်နဝါတ် ဒးဒုၚ်ဖျေံကၠုၚ်ဒဏ်ထံၚ် ပွိုၚ် (၈) သၞာံ နွံကီုရ။ နူကဵုဂှ် နအလဵုဨကရာဇ်သေံ ယှအ်ဖျေံကဵုလဝ်ဒုဟ်ဒဏ်ဒးဒုၚ်ကၠုၚ်ဒဏ်ထံၚ် ပွိုၚ် (၁) သၞာံဓဝ်ရ။
ဆဂး တက်ဇြေန်ဂှ်ဝွံ ဟိုတ်နူပရေၚ်ထတ်ယုက်ဟွံခိုဟ်တုဲ မံၚ်ကၠုၚ်အပ္ဍဲသ္ၚိထံၚ်ဂှ် အပိုၚ်အခြာဍေံ အခိၚ်ကဵုနာဍဳဓဝ်တုဲ အာလွဳလွတ်မံၚ်ဒၟံၚ် ပ္ဍဲရုၚ်ဂဥုဲဗၠာဲသၟိၚ် ဍုၚ်ဇၞော်ၜၚ်ကံက်ဂှ် ပွိုၚ် (၆) ဂိတုနွံရ။
တက်ဇြေန် ယှေန်နဝါတ်ဝွံ အာယုက် (၇၆) သၞာံ၊ တုဲကၠုၚ်ပ္ဍဲသၞာံ (၂၀၀၁) စဵုစိုပ် သၞာံ (၂၀၀၆) ဂှ် ကေတ်ကၠုၚ်လဝ်တာလျိုၚ်သ္ကိုပ်ဝန်ဇၞော်သေံမွဲတၠကီုတုဲ အခိၚ်ညးဒှ်ကၠုၚ်လဝ် သ္ကိုပ်ဝန်ဇၞော်ဂှ်မ္ဂး ဟိုတ်နူကဵုအဝဵုတုဲ ကၠောန်သ္ပလုတ်လောန်လဝ်ဒုဟ်အဂတိ ဒးဒုၚ်ဖျေံကၠုၚ်ဒဏ်ထံၚ် ပွိုၚ် (၁) သၞာံရ။
အပ္ဍဲကဵုပွိုၚ် (၁) ဂှ်မ္ဂး ရုၚ်သၞောဝ်ဓဝ်တအ် နူကဵုမယှအ်ဖျေံကဵုလဝ်ဒုဟ်ဒဏ်ကီုဂှ်ရ လအ်ဂွံပွိုၚ် (၈) ဂိတုဂှ် တက်ဇြေန် ယှေန်နဝါတ် ဗၠးတိတ်ကၠုၚ်နူထံၚ်ရ။
အခိၚ်တက်ဇြေန် ဗၠးတိတ်ကၠုၚ်နူထံၚ်ဂှ် သီုကဵုဂကောံသ္ၚိကၟိန် ကောန်ဝုတ်ညးကီု ညးဍုၚ်ကွာန်မွဲလ္ၚီတၠပြၚ် လ္တက်လဝ်ပဠောံအရံၚ်ဍာဲဍာဲ မွဲကရောၚ်ကဵုဂကောံညးကီုဂှ် ကၠုၚ်စိုပ်ဂတမုက်သ္ၚိထံၚ်ဂှ်တုဲ ဒုၚ်တၠုၚ်ညးအိုတ်ရောၚ် ဂွံတီကေတ်ရ။
ဗီုရုပ် – Ratsadon News
