ညးစၞးကၠတ်ထဝ် ဇၞးလဝ်မာဲ ဗော်ညဳသၟဟ်မန်ဂမၠိုၚ် ချပ်ရန်လဝ် သွက်ဂွံပံက်အာ ရုၚ်ညးစၞးကၠတ်ထဝ် ပ္ဍဲပွိုၚ်ဍုၚ်ဂမၠိုၚ်ဂှ် ဟိုတ်နူဒးဒုၚ်ဘပဠနွံကၠုၚ်ဂှ်တုဲ ပ္ဍဲပွိုၚ်ဍုၚ်လ္ၚဵု ဟွံဒှ်ပံက် ကၠုၚ်ဏီရောၚ် ညးဘိုၚ်ရေၚ်တၠုၚ်ဒၟံၚ် ပရေၚ်ချဳဒရာၚ်ညးစၞးကၠတ်ထဝ်မန်မွဲတၠ ဟီုလဴထ္ၜးကဵုရ။
သွက်သ္ဂောံဂွံတၚ်ဂၞေၚ် နူကဵုညးဍုၚ်ကွာန်တအ်ဂှ် ညံၚ်ဂွံပံက်အာရုၚ်ညးစၞးကၠတ်ထဝ် ပ္ဍဲပွိုၚ်ဍုၚ်ဂမၠိုၚ်ဂှ် ဖျေံလဝ်နွံကီုလေဝ် ဟိုတ်နူဒးဒုၚ်ဘပဠနွံကၠုၚ်ဂှ်ရ ပွိုၚ်ဍုၚ်လ္ၚဵု မၚ်ဒၟံၚ်အကာဲအရာတုဲ ဟွံဒှ်ပံက်ဏီရောၚ် ညးဘိုၚ်ရေၚ်တၠုၚ်ပရေၚ်ချဳ ဒရာၚ်ညးစၞးကၠတ်ထဝ်မွဲတၠ ဟီုလဴကဵုသာ်ဝွံရ။
“ဒေသညးစၞးကၠတ်ထဝ်မန်ပိုဲ နွံတန်တဴဂှ်တှေ် ပိုဲရန်လဝ် သွက်ဂွံပံက်အာ ရုၚ်ညးစၞးကၠတ်ထဝ်ဖျေံလဝ်နွံမံၚ်၊ အတိုၚ်ဖျေံလဝ်ဂှ်ရ ပွိုၚ်ဍုၚ်လ္ၚဵု ပံက်လဝ်တုဲလေဝ်နွံ၊ ပွိုၚ်ဍုၚ်လ္ၚဵုဂှ် ဟိုတ်နူပရေၚ်ဒးဒုၚ်ဘပဠကၠုၚ်နွံဂှ်တုဲ မၚ်ကလၚ်မံၚ် အကာဲအရာလေဝ်နွံ” သာ်ဝွံ ညးဟီုရ။
ရုၚ်ညးစၞးကၠတ်ထဝ် ပ္ဍဲပွိုၚ်ဍုၚ်ဂမၠိုၚ်ဂှ် သွက်ဂွံဒှ်ဒၞာဲဆက်စၠောံကဵု ညးဍုၚ်ကွာန်တအ်ကီု၊ တၚ်ဂၞေၚ်သွက်ညးဍုၚ်ကွာန်တအ် သွက်ဂွံပတိုန်ထ္ၜးနွံတအ်ဂှ် သွက်ဂွံကလၚ်အာရမျှာၚ်တုဲ တၚ်ဂၞေၚ်ကိတ်ညဳတအ်ဂှ် နူညးဍုၚ်ကွာန်မွဲကဆံၚ် သွက်ဂွံပတိုန်ထ္ၜးအာ ပ္ဍဲကၠတ်ထဝ်တအ်ကီုတုဲ ညးစၞးကၠတ်ထဝ်ဗော်ညဳသၟဟ်မန်ဂမၠိုၚ် ဖျေံကၠုၚ်အစဳဇန် ပံက်ရုၚ်ကၠတ်ထဝ် ပ္ဍဲပွိုၚ်ဍုၚ်တအ်နွံရ။
“ညးစၞးအမာတ်ကၠတ်ထဝ် ဗော်ညဳသၟဟ်မန် ညးတအ်ချပ်လဝ်ဂှ်တှေ် အကြာညးဍုၚ်ကွာန် ကဵု ညးစၞးတအ် ဂွံဒှ်အာ ဒၞာဲဆက်စၠောံမွဲကီုတုဲတှေ် ဒၞာဲကလၚ်ရမျှာၚ်ညးဍုၚ်ကွာန်တအ်ကီု၊ နူဂှ်မွဲကဆံၚ် တၚ်ဂၞေၚ်လ္ၚဵုတအ်ဂှ်တှေ် ညးစၞးတအ် ယဵုယိုက်ဏာပ္ဍဲကၠတ်ထဝ်တုဲတှေ် ပတိုန်ထ္ၜးအာ စၞးညးဍုၚ်ကွာန်တအ် ချပ်လဝ်ဗီုဂှ်၊ ဟိုတ်နူဂှ်ရ ဗက်ပံက်မံၚ်ရုၚ်ကၠတ်ထဝ် ပ္ဍဲပွိုၚ်ဍုၚ်တအ်ဍေံနွံ” သာ်ဝွံ ညးဘိုၚ်ရေၚ်တၠုၚ်ညးစၞးကၠတ်ထဝ်ဂှ် ဆက်ဟီုထ္ၜးရ။
တုဲကၠုၚ်ပေါဲရုဲမာဲ (၂၀၂၅ – ၂၀၂၆) ဂှ် ညးစၞးကၠတ်ထဝ်ညးဍုၚ် (၅) တၠ၊ ညးစၞးကၠတ်ထဝ်ကောန်ဂကူ (၅) တၠကဵု ညးစၞးတွဵုရး (မန်) (၇) တၠ၊ ပံၚ် (၁၇) တၠ ညးစၞးဗော်ညဳသၟဟ်မန် ဂွံဒုၚ်ရုဲစှ်လဝ်ရ။