တ္ၚဲဏအ် ဂိတုသေပ်တေမ်ဗာ စၟတ်တ္ၚဲ (၂၄) ၊ အပ္ဍဲပေါဲပြိုၚ် America’s Got Talent သၞာံ (၂၀၂၆) မကၠောန်ဗဒှ်ပ္ဍဲဍုၚ်အမေရိကာန်၊ မရနုက်ကဵု Season (21) ဝါဏအ်ဝွံ သၟာဒယှေ်ဒွက်ရံက်သတာ ကောန်ဍုၚ်သေံ “Nene Royal’’ ဏအ် ကလိဂွံဏာပထမ နဒဒှ်အလန်ကၠာအိုတ်မွဲတၠရောၚ် ဂွံတီကေတ်ရ။
အပ္ဍဲကဵုပေါဲပၠံၚ်ပထမဂှ်မ္ဂး “Nene Royal’’ ရုဲစှ်လုပ်ပြိုၚ်ဒယှေ်ဏာဒွက် ညးတၠရမျာၚ် The Cranberries ဒယှေ်လဝ် “Zombie’’ ဂှ် တံၚ်ဏာစိုတ်ဓါတ်ပုရိသာတ်တအ်တုဲ ကလိဂွံမာဲဂၠိုၚ်အိုတ်ဂှ်ရ ၜှ်ကေတ်ဏာလာဘ်ပထမတုဲ သီုကလိဂွံဩန်ဒဝ်လာ (၁) ပြကောတိကိုဋ်မာန်ရ။
ပေါဲပြိုၚ် America’s Got Talent ဏအ်ဝွံ ရံၚ်ကဵုအပ္ဍဲဂၠးတိမ္ဂး ဒှ်ပေါဲပြိုၚ်စမ်ဍာ်ဒကေဝ်ရမျာၚ် ဇၞော်အိုတ်မွဲ ဟီုစဂွံရ။
“Nene Royal’’ ဏအ်ဝွံ ယၟုအရၚ်ဂှ် ကော်ခဴစ (Rattikan “Praew” Amloy) အာယုက် (၁၆) သၞာံ ဒှ်ဂကူသေံမွဲတၠ၊ ဒၟံၚ်တန်တဴ ပ္ဍဲကၟိန်ဍုၚ်သေံသ္ကုတ်သၠုၚ်ကျာ လ္ပါ်ဒေသခရိုၚ်ဖူကေတ်တုဲ ရမျာၚ်လေဝ်ခိုဟ်၊ ဒှ်ညးစိစောန်မံၚ်ကဵု လ္ပါ်ဒယှေ်ဒွက်ကဵု တိၚ်ဂဳတာမွဲတၠကီုရ။
စပ္တံနူအာယုက် (၇) သၞာံတေံ စလုပ်ကၠုၚ်ဗွိုၚ်ဒယှေ်ဒွက်၊ ဗွိုၚ်ဂဳတတုဲ အကြာအာယုက် (၉) သၞာံဂှ် ဒှ်ကၠုၚ်ညးတၠချာန်ပဳယာန် တိၚ်ဂဳတာဒယှေ်ဒွက် ပ္ဍဲအမေရိကာန်တုဲဂှ် သၟတ်ဒယှေ်ဒွက်ရံက်သတာ ပ္ဍဲကၟိန်ဍုၚ်သေံ ဒှ်ကၠုၚ်ချာန်ပဳယာန်တၟိ ပ္ဍဲလတူစၚ်အဆံၚ်ဂၠးတိ ကိုပ်ကၠာအိုတ်မွဲတၠရ။
နူကဵုဂှ်ဝွံ လၟုဟ်လုပ်ပြိုၚ်ကၠုၚ် ပေါဲပြိုၚ် America’s Got Talent ဏအ်တုဲ ပ္ဍဲကဵုအလန် မရနုက်ကဵု Season 21 ဝါဏအ်ဂှ် Nene Royal ကလိဂွံဏာ ပထမတုဲ ပုရိသာတ်ကဵုမာဲကုညးတေံကီု၊ ပုရိသာတ်အလုံမွဲဍုၚ်သေံတအ်ကီုဂှ် ကေတ်မံၚ်ဂုဏ်စရာဲအိုတ်တုဲ နကဵု Nene Royal လေဝ် သီုဟီုဏာဂလာန်တၚ်ဂုဏ် ကုပုရိသာတ်ညးတေံကီုရောၚ် ဂွံတီကေတ်ရ။