အကြာပွဳဗွိုင်တက္ကသိုလ်ကွတ်ပညာဖာအံက်၊ ဍုင်မတ်မလီု၊ တွဵုရးဍုင်မန်ဂှ် ဟိုတ်နူအသိင်ကျာဒမြာတ်ဂှ်ရ မၞိဟ်ဒးဘဲဝပ် (၃) တၠနွံတုဲ ကၠောန်သ္ပလဝ် ပရေင်ဟံင်ပြာ်ရီုဗင်ကာတၟေင်နွံကီု ဂွံတီကေတ်ရ။
ဂိတုနဝ်ဝေမ်ဗာ စၟတ်တ္ၚဲ (၂) ၊ နူတနေံဏံ အခိင်ဗ္တံ (၇း၃၀) နာဍဳဂှ် ဟိုတ်နူဘဲကျာဒမြာတ်ဂှ်ရ အကြာပွဳဗွိုင်တက္ကသိုလ်ကွတ်ပညာဂှ် တၞံဆုဂမၠိုင် ဒေါမ်ကၟိုင်စှ်ေတုဲ သ္ၚိဒၟံင်လီုလာ်အာနွံရ။
မၞိဟ်ဒးဘဲဝပ်ဂမၠိုင်တံဂှ် သၟာင်နူပလံင်ဗစိုပ်ဏာ ရုင်ဂဥုဲပွိုင်တိုက်ဖာအံက်ကဵု ရုင်ဂဥုဲဍုင်မတ်မလီုတုဲ သ္ၚိဒၟံင်/ဂၠံင်ဍာန် တၟာတ်ဆိုအ်မံင်ဂမၠိုင်ဂှ်လေဝ် ဂကောံသိုဟ်ပၠိုတ်ပၟတ်ကဵု ဂကောံဟံင်ပြာ်မၞိဟ်တံ ကၠောန်ပသောင်ကဵုအခိင်ဗ္တံဂှ်ရ။
တွဵုရးဍုင်မန် ကေုာံ ရးဒေသဇၞော်၊ တွဵုရးဗွဲမဂၠိုင်ဂှ် ဟိုတ်နူမတ်ဗြဲဂၠုဓီုတုဲ မွဲဒမြိပ်ဒၞာဲမတ်ဗြဲမဆုဲအာတံဂှ် ပရဟ်ဒုင်စွံသတိကဵု ဗြဲဂူ၊ ကျာထတ်၊ ဂဂဵုတးပန်ညိဂှ် နူဌာနဗြဲကျာကဵု ဇလဗေဒ ဖ္တိုက်ဖၟောဝ်လဝ်ရ။