တ္ၚဲပံက်ရုၚ် ဗော်ဒဳကရေသဳမန် က္ဍိုပ်သ္ကိုပ်ဗော်ဂမၠိုၚ် အာတ်မိက်ပရေၚ်ညဳသၟဟ်

by | Jul 23, 2012 | ပရိုၚ် | 0 comments

နာဲမာန် – ပ္ဍဲတ္ၚဲပံက်ရုၚ် ဗော်ဒဳမဝ်ကရေသဳမန် (ယာယဳ) လ္တူဍုၚ်မတ်မလီု အရာပ်မျာၚ်သာယာ ပ္ဍဲစၟတ်တ္ၚဲ ဂိတုဂျူလာၚ် (၂၂) အခိၚ်နူဂယး (၉:ဝဝ) နာဍဳဂှ် က္ဍိုပ်သ္ကိုပ်ဗော်သီုပိဗော်မန်ဇၞော် ဗော်ဒဳမဝ်ကရေသဳအလုံရးမန်၊ ဗော်ဒဳမဝ်ကရေသဳမန်၊ ကေုာံ တၠသ္ၚိ ဗော်ဒဳမဝ်ကရေသဳမန် တအ် တိုန်စိုပ်တုဲ ဟီုဂးဏာ ပရေၚ်ညဳသၟဟ် အကြာဗော် ပရေၚ်ဍုၚ်ကွာန် တအ်ရ။

ပ္ဍဲကဵုအခန်ကၞာ ပံက်ရုၚ် ဗော်ဒဳမဝ်ကရေသဳမန် (ယာယဳ) တ္ၚဲဏံဝွံ က္ဍိုပ်သ္ကိုပ်ခၟဳသၚ် ကျာ်ဇၞော်အ္စာပါလိတ၊ ဥက္ကဌ ဂကောံရာမညနိကာယလေဝ်ဒှ် က္ဍိုပ်သ္ကိုပ်ဂကောံသၚ်ပညဳပညပ် ပရေၚ်ဗော်မန်ၜါလေဝ်ဒှ် ကျာ်ဇၞော်အ္စာဘာကြေဝ်ဏာ ကေုာံ ကျာ်ဇၞော်အ္စာ မၞုံကဵုသြဇာပရေၚ်ကောန်ဂကူ ဗၞတ် (၃၀) ဇကု တိုန်စိုပ်ရ။

ပ္ဍဲအခန်ကၞာဂှ် ကျာ်ဇၞော်အ္စာပါလိတ ကဵု ကျာ်ဇၞော်အ္စာဘာကြေဝ်ဏာဂှ် ကိစ္စပရေၚ်ဗော်မန် ဒှ်မံၚ်ၜါဗော်ဂှ် ပြဟ်ဟ် ဒးညဳတွဵုဟေၚ်ရောၚ် သာ်ဝွံ ကဵုဇြဟတ်ဓရိုဟ် ကဵု ဥက္ကဌဗော်ဒဳမဝ်ကရေသဳ နာဲၚိုဲတိၚ်ကီု သီုဥက္ကဌဗော်ဒဳ်မဝ်ကရေသဳအလုံ ရးမန် နာဲၚိုဲတိၚ် (အ္စာဇၞူမန်) ကီုရ။

လ္ပာ်ဗော်ဒဳမဝ်ကရေသဳအလုံရးမန်လေဝ် ဥက္ကဌ နာဲၚိုဲတိၚ် (အ္စာဇၞူ) ကေုာံ ဝန်ဇၞော်မန် တွဵုရးကရေၚ် နာဲချေတ်ဥူ တိုန်စိုပ်ကီုရ။

ကျာ်ဇၞော်အ္စာ ၜါဇကုဂှ် ဟီုဂလာန်ကဵုဇြဟတ်ဓရိုဟ် ပရေၚ်ပံၚ်ကောံတုဲ ဥက္ကဌဗော်ဒဳမဝ်ကရေသဳမန် နာဲၚိုဲတိၚ် ဟီုဂှ် “အတိုၚ်တၠဳလပိုန်သၚ် ကျာ်ဇၞော်အ္စာတအ် နွံပၟိက်ဂှ် ဗော်ပိုဲဍိက်တအ် ယဵုဒုၚ်ကေတ်မံၚ်ရကျာ်၊ ပ္ဍဲကဵု အခန်အခေါၚ် အရာ ပရေၚ်ကောန်ဂကူဂှ် ရန်ကဵု ဗော်ဂကူမန်မွဲဗော် သၟးဟွံသေၚ်၊ ဗော်ပရေၚ်ဍုၚ်ကွာန် အလုံကောန်ဂကူ ဒးဒှ်မွဲဟေၚ်တုဲ ကိစ္စဗော်မန်ၜါဗော်ဂှ် ပံၚ်ဂှ် ဒးပံၚ်တွဵုရ” သာ်ဏံ ဥက္ကဌဗော်ဒဳမဝ်ကရေသဳမန် ဟီုရ။

တုဲဂှ် ဥက္ကဌ ဗော်ဒဳမဝ်ကရေသဳအလုံရးမန် နာဲၚိုဲတိၚ် (အ္စာဇၞူမန်) ဟီုဂှ် “နကဵုအဲတှေ် ကျာ် အတိုၚ်တုပ်လဝ်စိုတ် ညးသ္ကံ (၂၀၁၄) တေံမှ ပံၚ်ညးသ္ကံရောၚ် ဟီုဂှ် စိုတ်အဲတှေ်ကျာ် လဇုဲအာဏီရကျာ်၊ ပံၚ်ပြဟ်ဟ်မာန်က္ဍၚ်တှေ် ဂုဏ် ဖဵုပရဲကောန်ဂကူ ပိုဲဍိက်တအ် ပြဲက္ဍၚ်ရကျာ်” သာ်ဏံ ဥက္ကဗော်ဒဳမဝ်ကရေသဳအလုံရးမန် နာဲၚိုဲတိၚ် (အ္စာဇၞူမန်) ဟီုရ။

ပရေၚ်ပံၚ်ပစပ်ကိစ္စဗော်မန်ၜါဗော်ဝွံ ဥက္ကဌလ္ပာ်ဗော်ဒဳမဝ်ကရေသဳမန်ကီု ဥက္ကဌလ္ပာ်ဗော်ဒဳမဝ်ကရေသဳအလုံရး မန်ကီုဂှ် ဂၠိုၚ်ကဵုဒၞာဲ ဂၠိုၚ်ကဵုအခန်ကၞာ ဟီုကဵုဂတိပါၚ်ဂတမုက်ခၟဳသၚ် ဂတမုက်ညးဍုၚ်ကွာန်တအ်လၟိုန်ကီုလေဝ် နဇိုၚ်နတဲဂှ် ဖျေံပရေၚ်ကမၠောန် ဟွံဂွံ သွက်ဂွံကလေၚ်ပံၚ် ညးသကအ်ရ။

“ မုဟွံလအ်ဏံ ပ္ဍဲပွိုၚ်ဍုၚ်မုဟ်ဍုၚ်ပိုဲ နူဗဟဵုဏံ စှေ်ပံက်ရုၚ်ပွိုၚ်ဍုၚ်ဏောဝ် စှေ်ပံက်ကမ္မတဳပွိုၚ်ဍုၚ်ဏောဝ် ပ္ဍဲပွိုၚ်ဍုၚ် မုဟ်ဍုၚ်ဂှ် ပိုဲဟွံဂံၚ်ဟီုဏီ ယဝ်ရ စှေ်ပံက်ကွာန်ကၟာဝက်ပိုဲတှေ် ပ္ဍဲရုၚ် ဗော်ဒဳ်မဝ်ကရေသဳအလုံရးမန်ပိုဲ ပံက်မံၚ်လၟုဟ် ဂှ်ရ ပိုဲပစူ သာၚ်ဗုက်ကီု အလာံကီု၊ ရုၚ်လေဝ် ဒးဒှ်မွဲရောၚ် ကမ္မတဳပိုဲလေဝ် ဒးဒှ် မွဲဓဝ်ရောၚ်” သာ်ဏံ ကမ္မတဳပွိုၚ်တိုက် ကွာန်ကၟာဝက် နူဗော်ဒဳမဝ်ကရေသဳအလုံရးမန် မွဲတၠဟီုရ။

တ္ၚဲပံက်ရုၚ် ဗော်ဒဳမဝ်ကရေသဳမန် ယာယဳ ဍုၚ်မတ်မလီု အရာပ်မျာၚ်သာယျာဂှ် က္ဍိုပ်သ္ကိုပ်ဗော် NLD၊ က္ဍိုပ်သ္ကိုပ် ဗော်ခိုၚ်ကၠိုက်ဖေါအ်ဗြေဝ်ကီု က္ဍိုပ်သ္ကိုပ်ဗော်ကောန်ဍုၚ်အရၚ် (တစည) ကီု ဖအိုတ်မၞိဟ် ၜိုတ် (၂၀၀) တၠပြၚ် တိုန်စိုပ်ကီုရ။

က္ဍိုပ်သ္ကိုပ်ဗော် ၜါလ္ပာ်ဝွံ ပ္ဍဲသက္ကရာဇ် ၂၀၁၀ တေံ အဃောကၠာဟွံဂွံလုပ်ပေဲါရုဲမာဲ အဃောပလေဝ်ပလေတ်စဂှ် က္ဍိုပ်သ္ကိုပ် ဗော်ဒဳမဝ်ကရေသဳမန် ပစ္စုပန်တ္ၚဲဏအ် မပ္တံကဵု နာဲတေန်အံၚ်၊ ဒံက်တာနာဲသီုလေန်၊ ဒံက်တာနာဲသဵုလေန် တအ် ဗကပ်ဓဗေၚ်တုဲ လ္ပာ်နာဲဇၞူမန် တအ် ဒးကျအာမာဲ ဟွံလုပ်ပေဲါရုဲမာဲရောၚ် ဒးဖျေံသ္ဂုတ်သွာတ်ရ။ ရန်တၟအ်ကဵု ညးဍုၚ်ကွာန် ညးမကဵုမာဲ ဂကူမန်တအ် သ္ဂောံဂွံစုတ်မာဲ ကုဗော်မန်မွဲမွဲတုဲ နာဲဇၞူမန် က္ဍိုက်ပ် ဒက်ပတန် ဗော်ဒဳမဝ်ကရေသဳမန်ရ။

ဟိုတ်နူကဵု က္ဍိုပ်သ္ကိုပ်ဗော်ဒဳမဝ်ကရေသဳမန် ပစ္စုပ္ပန်ဏအ် ဟွံဒုၚ်တဲ သၞောတ်ဝ်ဥပဒေ ၂၀၀၈ ဗကပ်ဓဗေၚ် ပေဲါရုဲမာဲတုဲ ပ္ဍဲကဵုဒေသလ္ၚဵု ညးဍုၚ်ကွာန်မန်တအ် ဟွံတိတ်မာဲဂှ် ဂိအာ သွက်ဗော်ညးတအ် တၟာဂလိုၚ်ရောၚ် အဃောပေဲါရုဲမာဲတုတၟိတၟိဂှ် နာဲဇၞူမန် ဟီုဂးဏာရ။ စနူကဵုအခိၚ်တေံတုဲ ဗော်မန်ၜါဏအ် ပြသၞာ ကတဵုဒှ်ကၠုၚ် စဵုကဵုလၟုဟ် ဟွံပြေပြံၚ်ဏီရ။

Written by

Related Posts

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ပရေင်တြးပၟတ်ဓာတ်လလဳ ပ္ဍဲဒေသရေဝ်သၟဝ်ကျာ ဖအောန်ဖျေံလဝ်အခိင်

ဟိုတ်နူပရေင်ခက်ခုဲကၠေင်စက်တုဲ ဓာတ်လလဳဒေသရေဝ်သၟဝ်ကျာ ဖအောန်ဖျေံအခိင် ဗလးပၟတ်ရောင် နူကဵုတၠကမၠောန် ဗလးဓာတ်လလဳ ပတိတ်လလောင်လဝ်ရ။

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

သွက်ဂွံလိင်မၞိဟ်ယိုက်ဝန်ပၞာန်ဗၟာ စၞးကွာန်ဂှ် အုပ်ဓုပ်ကွာန်တံ ကၠတ်ဗက်မံင်ဩန် နဲညးကဵုညးနွံ

လဂွံကဵုသၞောဝ်ဥပဒေ ညးဍုင်ကွာန်တံ ဇၟာပ်အာယုက်စိုပ် ဒးလုပ်ယိုက်ဂၠေင်သ္ပကောန်ပၞာန်ဗၟာဂှ် အုပ်ဓုပ်ကွာန်တံ နဲကဲညးကဵုညး ကၠတ်ဗက်မံင်ဩန်တုဲ ဂၠာဲလိင်ဗပေၚ်စုတ်လဝ်မၞိဟ် စၞးကွာန်နွံ ရောင် ညးလုပ်ဂကောံအုပ်ဓုပ်ကွာန် ပွိုင်ဍုင်ရေဝ်သၟဝ်ကျာ မွဲတၠ ဟီုလဴထ္ၜးရ။

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ရဲကောန်ဂကူမန်ဂှ် ဟွံကၟာတ်ဘာလေဝ် ကွးဘာတိုန် ဟွံမွဲ

ပ္ဍဲတ္ၚဲကောန်ဂကူမန် မာ် (၁) စွေက်ဂှ် ၜိုန်ရဘာဟွံကၟာတ်ကၠာလေဝ် နကဵုဓဝ်သမ္တီဇကုကဵုဇကု ကွးဘာတံ ဟွံတိုန်ဘာအိုတ်ရောင် မိမတံကဵု ကွးဘာတံ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.