ဒေန်တာ ပွမသိုၚ်ခၞံတိုက်ထ္ၜးပျးကွဳပၟတ်၊ ဆေၚ်ဖျာသွံကပေါတ်စၟတ်သမ္တီတံ၊ ဆေၚ်စသုၚ်တံ၊ ဒၞာဲကွဳစက်ဂွံဒေါအ်၊ ဟဝ်တေဝ် (Hotel) ၊ ကၟာဝေၚ်ဍာ်ကဵု သွက်ဂွံသိုၚ်ခၞံ ၝောံခန်မ္ၚဵုဂှ် ကုမ္မဏီတၠမန်မွဲဟေၚ် ပတိုန်လဝ်ဒေန်တာတုဲ ကုမ္မဏဳဂှ်ရ ဂွံဒုၚ်ရုဲစှ်အာရောၚ် သာ်ဝွံ ဝန်ဇၞော်ပရေၚ်ဖောဝ်ဗြေဝ်သာယာ တွဵုရးဍုၚ်မန် ဒံက်တာတိုတိုအံၚ် ဟီုရ။
“လၟုဟ်မှ ဂွံကလေၚ်ပညဳကဵုဍေံတံ၊ အတိုၚ်ဍေံတံ ကၠောန် Proposal ဂှ် ဒၞာဲဏံ ဍေံတံကၠောန်မာန်ဟာ၊ ကော်လဝ်ၜိုတ်ၚုဟ်မး သြန်ဂလိုၚ်လဵုဓဝ်ရ ဏောၚ်၊ လၟုဟ်ဂှ်Time Schedule ဟွံပါပုဟ်၊ Time Schedule ဂှ် ဟွံကော်စုတ်လဝ်ပုဟ်＂သာ်ဝွံ ဒံက်တာ တိုတိုအံၚ် ဟီုရ။
ဂကောံဖေဝာ်ဗြေဝ်သာယာ ပွိုၚ်ဍုၚ်ဇြပ်ဗု ပိုၚ်ပြဳလဝ် တိုက်ထ္ၜးပျးကဵု တိကၠအ်ဥဒျာန်ဂှ် သွက်ဂွံသိုၚ်ခၞံအာ ဂၠံတိုက်တံ၊ ဆေၚ်ဖျာတံကဵု တိုက်ထ္ၜးပျးဂှ်ရ၊ နူကဵုကမ္ပတဳဂကောံဖောဝ်ဗြေဝ်သာယာတွဵုရးဍုၚ်မန်ဂှ် စကော်ဒေန်တာ လိက်ပံက်ထိုၚ် ပ္ဍဲဂိတုအံက်တိုဗာ ၁၅ ဂှ်တုဲ၊ ဂိတုနဝ် ဝေမ်ဗာ ၁၀ ဂှ် နူကဵုဂကောံစၟဳစၟတ် ဒေန်တာ ကလေၚ်ကဵုပရိုၚ်ကဵု ကုမ္ပဏီတံဂှ်ရ သာ်ဝွံ ဝန်ဇၞော် ဆက်ဟီုရ။
“နူကဵုအလဵုအသဳ စုတ်ကဵုရှေဝ်ယာ ၚုဟ်တိဏောၚ်၊ ပိုယ်တံဂှ် ယဝ်ရပါ်ကဵုသွက်ဂွံစုတ် ၚုဟ်ကဝက်ဏောၚ် ဟီုတှေ် ပိုယ်ဂွံၜိုတ်မုစိ တၟံကၠံ၊ အလဵုအသဳဂွံၜိုတ်မုစိ တၟံကၠံ၊ ပိုယ်ကၠောန်အာ အေအတိုၚ်ဏံဏောၚ်＂သာ်ဝွံ ဥက္ကဌ ကုမ္ပဏဳတၠမန် မာံဗညာသာန် ဟီုရ။
ကုမ္ပဏီ ဂွံလဝ်ဒေန်တာတံဂှ် ကမၠောန်သွက်ဂွံဒက်ပတန် တုဲအာဏောၚ်ဟီုတှေ် နူကဵုဂကောံ ဖောဝ်ဗြေဝ်သာယာ ပွိုၚ်ဍုၚ်ဇြပ်ဗု စုတ်ကဵုရှေဝ်ယာ ၚုဟ်မးတိတုဲ ပံၚ်တောဲရေၚ်တၠုၚ်ဖိုလ် တုပ်တုပ်ရောၚ် သာ်ဝွံ ထမံက်ထ္ၜးလဝ် ပ္ဍဲလိက်လလောၚ်တြး လိက်ပံက်ထိုၚ်ဒေန်တာဂှ်ရ။
“ပါ်လဝ်ၜါလပါ်၊ မွဲလ္ပာ်ဂှ် ဒၞာဲကွဳပၟတ်နွံ ဂၠံၚ်ကွဳပၟတ်ဂှ်၊ ကၠောန်တိုက်ထ္ၜးပျး Facility ဍိုက်က်ပေၚ်ၚ်ဏောၚ်၊ ဍေံကဵု ဒၞာဲကာဒေါအ်ဂှ်တှေ် သိုၚ်ဗီုပြၚ် ဟဝ်တေဝ် Shop House က္ဆံၚ်သၠုၚ်ဂှ်၊ ပ္ဍဲဂှ်ရ ပါ်ထောံဗီုပြၚ်ၜါ၊ မွဲလ္ပာ်ဂှ်တှေ် တိုက်ထ္ၜးပျး Facility ၊ မွဲလ္ပာ်ပၠန်ဂှ် ဗီုကဵုဗီုပြၚ် Shopping Center ၊ အဓိက ပိုယ်ကဵုက္ဍိုပ်ဂှ်တှေ် ကဵုက္ဍိုပ်ကဵု ကၠောန်တိုက်ထ္ၜးပျးဂှ်ဏောၚ်၊ သှေ်နူဂှ်တှေ် က္ဆံၚ်ဒုတိယလေဝ်” သာ်ဝွံ ဒံက်တာ တိုတိုအံၚ် ဟီုရ။
ပ္ဍဲတိုက်ထ္ၜးပျးကွဳပၟတ်ကဵု တိကၠအ်ဥဒျာန် မၞုံမံၚ်တိ (၆.၆၁) ဨကဂှ်၊ သိုၚ်ခၞံအာတိုက်ထ္ၜးပျးကွဳပၟတ် (၂.၅) ဨကတုဲ၊ တိ (၁.၆၆ ) ဨကဂှ် သိုၚ်ခၞံအာဆေၚ်ဖျာ ကပေါတ်စၟတ်သမ္တီတံ၊ ဆေၚ်စသုၚ်တံ၊ ဒၞာဲကွဳစက်ဂွံဒေါအ်၊ တိ (၂.၄၅) ဨကဂှ် ကၠောန်အာဟဝ်တေဝ်၊ ဍာ်ကၟာဝေၚ်ဍာ်ကဵု ၝောံခန်တံ သိုၚ်ခၞံအာရ။