စပ်ကဵုအကာဲအရာပရေၚ်ဍုၚ်ကွာန်၊ လၟေၚ်တရဴပရေၚ်ၜိုဟ်လလမ်ကေုာံ ပရေၚ်ဒပ်ပံၚ်ကောံတံတုဲ အေဝ်ဒဳတာဌာန်ပရိုၚ်မန် ဗညာအံၚ် ဆဵုဂဗသၟာန်သှ်ကု ဥက္ကဌဗော်ဍုၚ်မန်တၟိ “နာဲထဝ်မန်”
သၟာန် – အဓိကတ္ၚဲဏံ မိဂွံသၟာန်ဂှ်တှေ် ဆေၚ်စပ်ကဵု ပရေၚ်ၜိုဟ်လလမ် အာမံၚ်လၟုဟ်ဏံဂှ် တၚ်နၚ်လဵု ဗွဲမဂၠိုၚ်ခက်ခိုအ်မံၚ်ဂှ်ရော?
သွဟ် – အေပိုဲဂှ်ဟဏံ ၝခက်ခိုအ်ဂှ် ပိုဲရန်တၟံကဵု ဓဝ်ၜိုဟ်လလမ်တုဲတှေ် ထ္ပက်လဝ်စၟတ်တဲတုဲယျ။ လထ္ပက်တုဲမှ လတက်ကျာကဵု ရဲဒပ်ပၞာန်ဂှ် အဝဵုဍေံနွံမံၚ်ကီု၊ ဍေံဟွံကဵုမှာတ်(စၟတ်)ကဵု အလဵုအသဳကွေံပုဟ်။ အေဂှ်တှေ် စနူဒၞာဲဒပ်ပိုဲတန်တဴဂှ် ဒၞာဲဗဒဝ်ၜါတၞံလေဝ် ဟွံပြေပြံၚ်ဏီပုဟ်။ တုဲတှေ် JMC မၚ်ရံၚ်ကျောဝ် ဆေၚ်ကဵုဒေံါပန်ပှော်ဂှ်လေဝ် ဟွံပြေပြံၚ်ဏီပုဟ်။ ဍေံကဵုမွဲဒၞာဲရ၊ ပိဒၞာဲမှ ပိုဲဂွံပြေပြံၚ်မာန်၊ ပိုဲကေတ်တာလျိုၚ်မာန်ဏောၚ် ပိုဲဟီုလဝ်ဗီုဂှ်တုဲတှေ် အေဇှ် ဆက်ပ္ညဳမံၚ်ဖိုဟ်၊ စိုတ်အဲတှေ် ၝဟွံပြေပြံၚ်ဂှ်တှေ် ဟီုတှေ်ဟီုရ ထ္ပက်တုဲအာယျလေဝ် ဆဂး ဂွံပြေပြံၚ်ဂှ်တှေ် ပ္ညဳမံၚ်ဖိုဟ်၊ ပြေပြံၚ် ဟွံပြေပြံၚ်ဟာ ဟီုဟွံဒးဏီပုဟ်။ ဆဂး ဍေံဟွံပြေပြံၚ်ဏီဖိုဟ်၊ ပ္ညဳမံၚ်ဖိုဟ် ဒှ်မံၚ်ဗီုဂှ်၊ ဗွဲမဂၠိုၚ် လ္ပာ်ပၞာန်ရခက်ခုဲ၊ လညာတ်ဍေံဂှ် ဟွံကိတ်ကဵု လ္ပာ်ဇကုတုဲတှေ် ဒးဟီုဂး ဒးပ္ညဳမံၚ်ဖိုဟ်။
သၟာန် – လ္တူအရာသဘၚ်သဳကၠဳ (၂၁) ဗွဝ်ကၠံဏံရော တၚ်နၚ်တံ ဗီုလဵုဂွံဇြဟတ်ကီုရော?
သွဟ် – ရံၚ်ကေတ်တှေ် (၂၁) ဗွဝ်ကၠံဂှ် ကၠောန်တှေ် ကၠောန်ဏာရ ဆဂး အခိၚ်ဂှ် ၜက်အာတၟာလအ်၊ ဍေံကၠောန်ဏာ ပိုဲညာတ်ဂှ်ဂှ် ပ္ဍဲကောံဓရီုကေၚ်ကာပိုဲ သ္ၚဳဂၠိပ်လဝ်တုဲမံၚ်ရ၊ ဍေံကၠောန်ဏာ ရှ်သာဟွံမွဲကွေံပုဟ်၊ ကၠောန်တှေ် ကၠောန်ဏာရ၊ ဆဂး အခိၚ်ၜက်ဂၠိုၚ်အာတုဲ ဍေံဒးကၠောန်၊ ဍေံကၠောန်ဏာရှ်သာအောန်န် ပိုဲညာတ်ဗီုဂှ်၊ ဗီုမိက်သဳကၠဳ သဳကၠဳဟွံဂွံပုဟ် ဒှ်မံၚ်ဗီုဂှ်။
သၟာန် – လၟုဟ် ညံၚ်ဂွံဆက်အာဂတဏံဂွံဂှ်တှေ် နဲလဵုဂၠာဲမံၚ်ကီုရော?
သွဟ် – ပိုဲပ္ညဳမံၚ်ကဵု ညးဂလိုၚ်ဖိုဟ်၊ ပ္ညဳတုဲတှေ် နဲပြေပြံၚ်မာန်တှေ် ညးဟလိုၚ် ကုမဟာမိတ်သၟဝ်ကျာ (မြောက်ပိုၚ်းမဟာမိတ်အဖွဲ႕) ကီု၊ ရဲထ္ပက်စၟတ်တဲကီု ပိုဲပ္ညဳမံၚ်ဖိုဟ်၊ အေဂှ်တှေ် စိုတ်အဲတှေ် ဟီုပြဟ်ဟ်ဏံ ဟီုဟွံဒးဏီပုဟ်၊ ဆဂး ပိုဲညာတ်ဗီုလဵုရောတှေ် ဓဝ်ၜိုဟ်လလမ်ညံၚ်ဂွံဂွံ ပိုဲစွံစိုတ်ဂၠိၚ်ၚ်တုဲ ပိုဲဆက်ဂစာန်ဏောၚ်၊ အေဗီုဂှ်နွံ။
သၟာန် – ပြဟ်ဟ်ဏံ ဗော်ဍုၚ်မန်တၟိဂှ် ပါမံၚ် ပ္ဍဲ UNFC အာမံၚ်က္ဍိုပ်တှေ် အခန် UNFC ရော ဗီုလဵုနွံ?
သွဟ် – UNFC ဂှ် ပိုဲဖျေံလဝ်လက္ကရဴဏံဂှ်တှေ် ပိုဲမံၚ်ဗီုဂကောံဆက်စပ်ဏောၚ်။ ဆဂး UNFC လေဝ် ဘိုအ်ဂွံကလေၚ်ချပ်ပအ်၊ အေဂှ် ဟီုနၚ်နွံ၊ ဆဂး ကောံဓရီုကမ္မတဳဗဟဵုပိုဲ ဖျေံလဝ်ဗီုဂှ်နွံ၊ မံၚ်ဗီုဆက်စပ် (ဆက်စပ်အဖွဲ႕အစည်း) ဟီုဟဂှ်၊ ပိုဲတိတ်နူဒပ်ပံၚ်ကောံဏောၚ် သဘၚ်သဳကၠဳဍေံဒှ်တှေ်လေဝ်၊ ဣညအ် သဘၚ်သဳကၠဳဟွံဒှ်ဏီတှေ် ပိုဲနုက်တိတ်ဂွိုအ်ဏီပုဟ်၊ သဘၚ်သဳကၠဳဒှ်တှေ် ပိုဲနုက်တိတ်တုဲ ပိုဲမံၚ်ဗီု (ဆက်စပ်အဖွဲ႕အစည်း) ဂကောံဆက်စပ် ပိုဲမံၚ်ဗီုဂှ်ဏောၚ် ပိုဲချပ်လဝ်ဟဂှ်။ ဥပမာဍေံ ထ္ပက်လဝ် NCA တုဲယျတှေ် ၝညးတံဟီုတှေ်ဟီုရ ပိုဲဂွံပြေပြံၚ်တှေ် ပိုဲညာတ်ကေတ်ဂှ် အေန်ဇြဳအေဏံလေဝ် ပိုဲဒးကွာ်တွဵုတှေ် ဒပ်ပံၚ်ကောံလေဝ် ဖျေံလဝ်ရလေဝ်၊ ဣဏံ ပိုဲကွာ်လဝ်တုဲ ပိုဲထ္ပက်လဝ်စၟတ်တဲတုဲယျတှေ် ပိုဲဒးမံၚ်မွဲဗီုဏောၚ် ပိုဲညာတ်ဗီုဂှ်လေဝ်။ အေ လညာတ်ပိုဲဂှ် ဗီုဂှ်၊ ဆဂး ညးတံဂှ် ကဵုကလေၚ်ချပ်ဖိုဟ် ဟီုၜိုတ်ဂှ်လေဝ်၊ ဆပိုဲဖျေံလဝ်ဂှ် (ဆက်စပ်အဖွဲ႕အစည်း) ပိုဲမံၚ်အာဗီုဂှ်ဏောၚ်၊ ကောံဓရီုတှေ် ပိုဲအာဏောၚ်၊ ၜိုတ်ဇဂှ်ရ၊ ပိုဲကေတ်တာလျိုၚ်ဂွိုအ်ရ၊ အဓိပ္ပဲါဍေံ မံၚ်ဗီုတုဲကၠုၚ်တေံဂှ် ဂွိုအ်ပုဟ်၊ အေဗီုဂှ် ပိုဲချပ်လဝ်နွံ၊ ကဵု UNFC ဂှ် ပိုဲစွံစိုတ်ဗီုဂှ်။
သၟာန် – အဓိက ယဝ်ရဆက်မံၚ်တှေ် အခက်ခုဲ ဗီုလဵုဒှ်ဂၠိုၚ်ရော?
သွဟ် – ထ္ပက်(လက်မှတ်)တုဲ UNFC ဂှ် ဍေံဟွံတီရ၊ ဍေံဟွံတီရတှေ် ပိုဲဂှ်ထ္ပက်(လက်မှတ်)တုဲမံၚ်ရ၊ ထ္ပက်(လက်မှတ်)တုဲ ပိုဲဒးဗက်အလိုက်ဍေံဏောၚ်၊ ဒးကၠောန်ဗက်ဏောၚ် ဟီုဟဂှ်လေဝ်၊ ဟွံကၠောန်ဗက်တှေ် ဖေက်ခက်လေဝ်၊ UNFC ဂှ် အာဂၠံၚ်ဏံရ လ္ၚဵုဂှ် ညာတ်မွဲဗီု၊ ညံၚ်ကဵုညာတ် ပ္ညဳမံၚ် ကေတ်မံၚ်အခိၚ်ဏီ၊ ပိုဲညာတ်ဂှ် အခိၚ်ဂှ် တက်အာကျာညးသ္ကံကၠာ ပိုဲညာတ်ဗီုဂှ်၊ ပိုဲဂှ်ထပက်(လက်မှတ်)တုဲယျတှေ် UNFC ဂှ် ဂွိုအ်ထ္ပက်လေဝ် နွံမံၚ်ဏီ၊ အေဂှ်တှေ် စိုတ်အဲ ခက်အေဗီုဂှ်၊ ပိုဲပက်(လက်မှတ်)တုဲ ဗီုထ္ပက်(လက်မှတ်)တုဲ ပိုဲဒးမံၚ်၊ ပိုဲဒးကၠောန်ဗက်၊ ဂွိုအ်ထ္ပက်ဏီတှေ် မွဲအခန်ပအ်၊ အေဂှ် စိုတ်အဲ ဂွိုအ်ထ္ပက်ဏီတှေ် ညးတံဂှ် တာလျိုၚ်ညးတံဟွံမွဲပုဟ်၊ ပိုဲညာတ် တာလျိုၚ်ပိုဲနွံမံၚ်တှေ် ညံၚ်ဂွိုအ်ခက်ခုဲ ပိုဲဒးမံၚ်၊ အေဂှ် ပိုဲဒးတိတ်ဏောၚ် နူဒပ်ကောံ အေအဓိပ္ပဲါဗီုဂှ်။
သၟာန် – ဟဂှ်တှေ် နကဵုဗော်ဍုၚ်မန်တၟိ ယဝ်ရတိတ်နူ UNFC တုဲ ယဝ်ရမံၚ် (ဆက်စပ်ဖွဲ႕စည်း) ရတှေ် ဆက်ကဵု PPST အပ္ဍဲဂှ်ဂှ် ဘိုအ်ဂွံပါလုပ်ကီု ချပ်လဝ်နွံမံၚ်ကီုဟာ?
သွဟ် – ပိုဲဂှ် ပြဟ်ဟ်ဏံ ကေတ်ဟွံဒးဏီပုဟ်။ ဆဂး PPST ဂှ် ဍေံဟီုမံၚ်ရ လုပ်ဂကောံဍေံဂွံ၊ ဆဂး ပိုဲဂှ်ပြဟ်ဟ်ဏံ ဂွိုအ်တိတ်နူ UNFC ဏီတှေ် ပိုဲဂွိုအ်ဟီုဏီ၊ ပိုဲဂှ် ၜိုတ် (+) အပံၚ် (PPST + 2) ၜိုတ်ဂှ်ပိုဲမံၚ်၊ ပိုဲရေၚ်တၠုၚ်အာ ပ္ညဳအာညးသ္ကံဏောၚ် ဟီုဟဂှ်၊ ဂတတေံ လ္တူအကာဲအရာ ပိုဲတိတ်နူ UNFC တုဲတှေ် ပိုဲချပ်ညးသ္ကံပၠန် အဓိပ္ပဲါဂှ်။
သၟာန် – လၟုဟ် ဖန်မံၚ် သွက်ဂွံကလေၚ်သ္ၚဳဂၠိပ် (မူဘောၚ်) ပရေၚ်ဍုၚ်ကွာန်တံဂှ် ဇန်မံၚ်နွံ၊ လ္တူအရာဏံ ဥက္ကဌတံ ဗီုလဵုညာတ်လဝ်ရော?
သွဟ် – အရာဏံလေဝ် ခိုဟ်ဂှ် ခိုဟ်မံၚ်ရ။ ဆဂးဂှ် ဂွိုအ်ပ္ညဳဏီပုဟ်။ ပိုဲဂှ် ထ္ပက်(လက်မှတ်) လက္ကရဴဏံတှေ် ရဲထ္ပက်လဝ်ကၠာ ညးတံပ္ညဳလဝ်နွံ (မူဘောၚ်) Frame work ၊ ဆ ပိုဲဟွံစှေ်စိုတ်လေဝ်နွံမံၚ်၊ ပိုဲဘိုအ်ဂွံဟီုနွံမံၚ်၊ ပ္ဍဲကဵု(သုံးပွၚ့်ဆိုၚ်) ညးတံ ဟွံဒှ်ပုဟ် (သုံးပွၚ့်ဆိုၚ်)၊ အေဂှ် ပိုဲညာတ် ညံၚ်ဂွံဒှ် (သုံးပွၚ့်ဆိုၚ်) ဂှ် ပိုဲဟီုဏောၚ် ပိုဲဂးဏာၚ်၊ အေဗီုဂှ်တံဂှ် နွံလေဝ်၊ ဆဂး ညးတံထ္ပက်လဝ်ကၠာတှေ် ၝညးတံသဳကၠဳလဝ်ဗီုလဵု ပိုဲဒးရံၚ်ဏောၚ်၊ လ္တူပိုဲထေက်ဂှ် ပိုဲဟီုဏောၚ်၊ အေဗီုဂှ် နွံ၊ ဆဂး (မူဘောၚ်) ဂွိုအ်တက်ကျာဏီပုဟ်၊ အခန်ဍေံ ဂတဏံ နွံလေဝ်၊ ပ္ညဳညးသ္ကံတုဲ ဟီုဂးညးသ္ကံဏောၚ် ဟီုမံၚ်ဟဂှ်၊ ဆ ပညဳဗီုလဵုရောတှေ် ရဲထ္ပက်စၟတ်တဲကၠာ (၈) ဂကောံဂှ် နွံမံၚ်ကီုဏောၚ်၊ ပိုဲဒးရံၚ်ၝဂှ်ကီုဏောၚ်၊ ညးတံတုပ်လဝ်စိုတ်တုဲတှေ် ပိုဲဒးဗက်အလိုက်ဏောၚ်၊ ဒးကေတ်အခိၚ် ဒးပ္ညဳ၊ ဗီုစိုတ်ဇကုမွဲဓဝ်လေဝ် ဇကုပ္ညဳဟွံဂွံပုဟ် အဓိပ္ပဲါဍေံ၊ ရဲထ္ပက်စၟတ်တဲ (၈) ဂကောံ ကၠာဇကုနွံမံၚ်ဏီ၊ ညးတံထ္ပက်လဝ်တုဲတှေ် ညးတံရေၚ်တၠုၚ် တုပ်လဝ်စိုတ်ညးသ္ကံနွံတှေ် ပိုဲဒးယိုက်ဒိုက်စ၊ အေဗီုဂှ်လေဝ် ပိုဲဒးရံၚ်ကီု အေအဓိပ္ပဲါဂှ်။
သၟာန် – သရောပ်ထောံတှေ် ပ္ဍဲကဵုလၟေၚ်ပရေၚ်ၜိုဟ်လလမ်ဍုၚ်ပိုဲဏံဂှ်တှေ် နကဵုကောန်ဂကူပိုဲ ဗီုလဵုဂွံဘိုၚ်ပါလုပ်ကီု ဗီုလဵုဥက္ကဌ မိက်ဂွံဖတိုက်ဖအောဝ်ရော?
သွဟ် – ညးဍုၚ်ကွာန်တံ စိုတ်အဲတှေ် ဓဝ်ၜိုဟ်လလမ်ဇေတ်တ် ဖေဝ်ဒရေဝ်ဇေတ်တ် ညံၚ်ဂွံမံက်မာန်ဂှ်တှေ် ညးဍုၚ်ကွာန်တံဖအိုတ် ပါလုပ်ချဳဓရာၚ်ထေက်၊ ရဲပရေၚ်ဍုၚ်ကွာန်သၟး၊ ရဲကောန်ဂကူ ရပ်လွဟ်တံဏံ ချဳဓရာၚ်သၟး ဟွံစိုပ်တရဴပုဟ်၊ သီုညးဍုၚ်ကွာန်တံ သီု(ဒေသခံ) ရဲဒေသတံဂှ် ပါလုပ်ချဳဓရာၚ်မှ ခိုဟ်ဏောၚ် ပိုဲညာတ်ဗီုဂှ်၊ မိက်ဂွံဖတိုက်ဖအောဝ်ညိဂှ် ညးဍုၚ်ကွာန်တံ ပါလုပ်တုဲတှေ် ဘိုၚ်ချဳဓရာၚ်ညိ၊ ညံၚ်ဂွံဂွံၜိုဟ်လလမ်၊ ညံၚ်ဂွံဂွံဍုၚ်ပံၚ်ကောံဇေတ်တ် ဂွံမံက်တိုန်မာန်ဂှ် ဗီုဂကောံဂကူဟလိုၚ် အာတ်မိက် ကံကုသဵုညး ညးဂွံဖန်ဖက်ကေတ်မာန် ညံၚ်ဂွံဒှ်ဂှ်တှေ် ညးဍုၚ်ကွာန်တံဟလိုၚ် ပါလုပ်ချဳဓရာၚ်မှ ဍေံဒှ်မာန်ဏောၚ် ပိုဲညာတ်ဗီုဂှ်တုဲ မိက်ဂွံဖတိုက်ဖအောဝ်ဏာရ။
-တၚ်ဂုဏ်ဗွဲမလောန်ရအဴ။ ။