Categories
ပရိုၚ်

ဘာကောန်ဂကူမန် ကွာန်အၜဝ် ပွိုၚ်ဍုၚ်ရေဝ် (ဒေသဖာလိန်) သိုၚ်ခၞံတုဲဒှ်အာ ဗၞတ် (၇၅) က္ဍိုပ်ကၠံ

ကောန်ဆာန်နန်၊ ဂိတုဖေဖဝ်ဝါရဳ ၁၂၊ ၂၀၂၂

ဘာကောန်ဂကူမန် ကွာန်အၜဝ် ပွိုၚ်ဍုၚ်ရေဝ် (ဒေသဖာလိန်) ဝွံ သိုၚ်ခၞံတုဲဒှ်အာ ဗၞတ် (၇၅) က္ဍိုပ်ကၠံရရောၚ် ဂွံတီကေတ်ရ။
”ဘာဏံ ကၠောန်လဝ်ခိုဟ်ခိုဟ်တှေ် ကောန်ၚာ်တအ်လေဝ် ဂွံမံၚ်ခိုဟ်ခိုဟ်ရ၊ မိမညးဍုၚ်ကွာန်လေဝ် စိုတ်လုပ်စကဵု ဘာပိုဲမ္ဂး ကောန်ၚာ်မံၚ်ဘာပိုဲလေဝ် ဂၠိုၚ်တိုန်ရောၚ်၊ အလုံကွာန်ပိုဲကီု သွက်ကောန်တွဵုရးပိုဲကီု ဒေသဍုၚ်ရေဝ်ပိဲိုကီု ကာလေကၠာန်သ္ပစမွဲမွဲသာ်မ္ဂး သွက်ဂွံဂွံအာ ဒၞာဲသၠဲသၠဲလးလး ရန်တၞံသာ်ဂှ်တုဲ သိုၚ်ဘာ (၂) ထပ်ရ၊ လၟုဟ် သိုၚ်ဂွံၜိုတ် (၇၅) က္ဍိုပ်ကၠံဒှ်ရ” သာ်ဝွံ တၠဂုဏ်အာစာနန္ဒသာရ မြော်ဟီုလဝ်ရ။
ဘာကောန်ဂကူမန် ကွာန်အၜၜ်ဂှ် သိုၚ်ခၞံဗဒှ်လဝ် (၂) ထပ်တုဲ ဇမၠိၚ်ဘာဂှ် (၁၂၀) ပေကဵု မွဲမိဟ်ရ။ ထပ်သၟဝ်ဂှ် နွံ (၄) အခန် ၊ ထပ်လ္တူဂှ် ကၠောန်လဝ်ဗလး (ပလး) စိုပ်အခိၚ်ကညၚ်ဂတဏံမ္ဂး အခန်ကမ်ပျူတာ၊ တိုက်ရံၚ်လိက် သိုၚ်ခၞံ ဒးတုဲရောၚ် ရန်လဝ်ရ။
သြန်ဘဏ္ဍာပရေၚ်သိုၚ်ဘာဂှ် မပ္တံကဵု သြန်တၠဒါန် အလုံကွာန်အၜဝ်ကီု၊ တၠဒါန်ကောန်ကွာန်အၜဝ် နွံဍုၚ်သေံတံကီု၊ ဍုၚ်မလေဝ်ယှာကီု၊ ဍုၚ်အမေရိကာန်ကီု၊ သြန်ဒါန်နူသွာၚ်ခမဳသၚ်ဂမၠိုၚ်ကီု သီုဖအိုတ် ဗၞတ် (၁၂၀၀) ကိုဋ်ဒကေဝ် အိုတ်အာတုဲရရောၚ် သ္ဂးရ။
စသိုၚ်ခၞံကၠုၚ်ဘာဂှ် ပ္ဍဲသက္ကရာဇ် (၁၃၈၁) သၞာံ၊ ဂိတုပုဟ် (၁၁) မံက် စဵုကဵုစိုပ် သက္ကရာဇ် (၁၃၈၃) သၞာံ စိုပ်ဂိတုပုဟ် (၁၁) မံက်ဏံမ္ဂး ဘာပရေၚ်ပညာကောန်ဂကူမန် ပ္ဍဲကွာန်အၜၜ်ဂှ် သိုၚ်ဂွံလဝ် ပွိုၚ် (၂) သၞာံဂှ် တုဲဒှ်အာ ဗၞတ် (၇၅) က္ဍိုပ်ကၠံရ။

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.