နာဲကၠောန်ကမၠောန်ဟွံဒှ်
ရှ်သာ အစောဲဏံ
အိုတ်တၟံ မွဲဂကောံ
ဆောံလေၚ်အာ
ၚုဟ်မးအနဂ္ဃ –
ဂွိၚ်ကဵုဂကူ
ဘိုၚ်ပူဗိုၚ်ဟွံသာ
အကြာဂှ် ဆောံကၠုၚ်သီုအခိၚ်
အဲထဍိၚ်မံၚ်ဒဂဵုဏောၚ်ဂှ်
နာဲဟွံကၠိုဟ်ဏီ –
ရမျာၚ်ဟီုပ္တိတ်
သီုဟွံဇွိတ်သ္ပောတ်ကဵုဖဵု
လုပ်ကဵုမံၚ်ဘဲဏီဂှ်
ဒှ်နာဲယဝ်ဟီု
ပလီုမံၚ်ဇိုၚ်
အတိုၚ်တာလျိုၚ်ဆီဖိုဟ်ဏီ –
ဇေတ်ဇေတ်ဂှ်
ဒှ်နာဲဏောၚ် မၞိဟ်ဟွံတီတာလျိုၚ်
မၞိဟ် မိပ်ဂြိုၚ်အကြာခြိုၚ်
မၞိဟ် ဂျိုၚ် ညံၚ်ရဴမၞိဟ်ချိုတ်ချိုတ်မွဲ –
ခိုဟ်ဂှ် ဟွံမိက်ရံၚ်
ပၠံၚ်မံၚ်အဝဵုအတ္တသၟးတုဲ
ဟွံဒုၚ်ဟုဲဟာဲကဵုဖဵုဆီဂကူမ္ဂး
ၚုဟ်မးနာဲဂှ် ပရေံနူမၞိဟ်
ကၠောန်ဟွံဒှ်တအ်ဏီ –
ရာမည သ္ဂံၚ်နန် ကလအ် ( 29 – 1 – 2022 )
