ဝးပကဝ် ဟွံထေက်

 နူၜတ်ဂှ် ဖေက်ကြံၚ်
နူကြံၚ်ဂှ် ဖေက်ဍုဟ်
ၚုဟ်မး ရှ်သာခိုဟ်မွဲ
တ္ၚဲလဵုမှ ဂွံတီမာန်ရော —?
 ဖဵုအနာဂတ်ဟီုဂှ်
ဒှ်ဇြဟတ် ပ္ဍဲတ္ၚဲဏံ
တ္ၚဲဏံ ဝးပကဝ်မံၚ်ဖိုဟ်ဏီမ္ဂး
ဗၠးၜးကဵုပိုယ်ဂှ် သ္ၚောဲခြာမံၚ်ဏီ ။
 ဝးပကဝ် ဟွံထေက်
လ္ပဖေက်ဒၞာဲကၠေံ
ပရေံဂှ် ဒှ်ဖဵုဟွံသေၚ်
ခိုဟ်ဟေၚ်ဒှ်ဖဵု ချပ်ကဵုဂွံစိုပ်ညိ ။
ရှ်သာခိုဟ် ပ္ဍဲတ္ၚဲဏံ
ညံၚ်ဟွံဂွံဒှ်အာ သွပ်လ္ပံတ္ၚဲယး
ဌာန်လွဳကွး ညံၚ်ဟွံဂွံဒှ်
ညံၚ်ဂွံဒှ်ဌာန်လွဳက္ဍိုပ်သ္ကိုပ်ဂှ်ဖန် ။
 ဖန်ရံၚ် – ဇန်ရံၚ်
ရံၚ်လ္ပကဵုဂၠေံအာ
မှာမွဲလဂါံတုဲမွဲလဂါံပၠန်မ္ဂး
ၚုဟ်မးဂကူပိုယ်
ဆက်တုဲ ဒးလဇုဲအာ ။
အ္စာၝောံ သာသာ