ကြပ်ကၠုၚ်အခိၚ်လိုက်ဝှ်တိကှ်ဏံဂှ် ၚုဟ်ဗွဝ်ဖျာ မပ္တံကဵု ၚုဟ်ထဝ်ကီု၊ ၚုဟ်ကၠေၚ်စက်ကီု၊ ၚုဟ်သ္ၚုကီုဂှ် ဂစာန်ချဳဒၟံၚ် လ္ပာ်တိုန်အိုတ်ရ။
ပ္ဍဲပွိုင်မွဲသတ္တာဟဏအ် င္ရုဟ်ထဝ် ညိင်မံင်
ၚုဟ်ထဝ် အပ္ဍဲကဵုဂိတုအံက်တိုဝ်ဗာ စၟတ်တ္ရဲ (၂) တ္ရဲဏံဝွံ နူကဵုဂကောံတၠကမၠောန်လ္ဂုၚ် (YGEA) တအ် စၟတ်လဝ်ဂှ် ထဝ်ဒကောင် (အကယ်ဒမီမီးလၚ်း) လျိုၚ်မွဲဒ္ကေဝ်မ္ဂး င္ရုဟ်ပံက်ဒၟံင် အကြာ (၇,၁၀၀,၀၀၀) ဒကေဝ်ကၠာလေဝ် ၚုဟ်သွံဒၟံၚ်မ္ၚးဂှ် နွံမံင်အကြာ (၁၀,၀၅၀,၀၀၀) ဒ္ကေဝ်တုဲ ၚုဟ်ရာန်ဂှ် ပံက်ဒၟံင်အကြာ (၁၀,၀၁၀,၀၀၀) ဒကေဝ်ရ။
သာ်ဂှ်ကီု ထဝ်ဍာ် (၁၅) ၜဲ လျိုၚ်မွဲဒ္ကေဝ်ဂှ် ၚုဟ်သွံနွံမံင် အကြာ (၉,၆၅၀,၀၀၀) ဒ္ကေဝ်တုဲ ၚုဟ်ရာန်ဂှ် ပံက်ဒၟံင် အကြာ (၁၀,၀၁၀,၀၀၀) ဒ္ကေဝ်ကီုရ။
က္လေင်တၟော်ကဵုသတ္တာဟတုဲကၠုၚ် (နူသေပ်တေမ်ဗာ ၂၅) တေံမ္ဂး ၚုဟ်ထဝ် နူဂကောံတၠကမၠောန်ထဝ်လ္ဂုၚ် (YGEA) တအ် စၟတ်လဝ် ထဝ်ဒကောင် (အကယ်ဒမီ မီလၚ်း) ဂှ် နွံမံင် (၇,၁၃၀,၀၀၀) ဒ္ကေဝ်တုဲ ၚုဟ်သွံဒၟံင်မ္ရးဂှ် ထဝ်ဒကောင်လျိုင်မွဲဒကေဝ် (၁၀,၀၅၀,၀၀၀) ဒကေဝ်ကဵု ၚုဟ်ရာန်ဂှ် ပံက်ဒၟံင်အကြာ (၁၀,၀၁၀,၀၀၀) ဒ္ကေဝ်ရ။
တုဲပၠန် ထဝ်ဍာ် (၁၅) ၜဲလျိုၚ်မွဲဒ္ကေဝ်ဂှ် ၚုဟ်သွံ နွံ (၉,၆၅၀,၀၀၀) ဒ္ကေဝ်တုဲ ၚုဟ်ရာန်ဂှ် (၉,၆၁၀,၀၀၀) ဒ္ကေဝ်ပံက်မံၚ်ရ။
ဒှ်သာ်ဂှ်ရ တၟော်ရံၚ်ကဵု ၚုဟ်ထဝ်တ္ၚဲဏံကဵု သတ္တာဟတုဲကၠုၚ်တေံဂှ်မ္ဂး ၚုဟ်ထဝ်နူဂကောံတၠကမၠောန်ထဝ်လ္ဂုၚ် (YGEA) တအ် စၟတ်လဝ်ဂှ် ၚုဟ်သၠုၚ်တိုန် ဗၞတ် (၃၀၀၀၀) ဒ္ကေဝ်ကၠာလေဝ် ၚုဟ်ထဝ်ဒကောင် (အကယ်ဒမီ မီးလၚ်း) ကဵု ဍာ် (၁၅) ၜဲဂှ် ၚုဟ်ညိၚ်မံၚ် ဟီုစဂွံရ။
င္ရုဟ်ကၠေင်စက်သၠာ်တိုန်နွံ
ၚုဟ်ကၠေၚ်စက်ပ္ဍဲဍုၚ်မန်ဂှ် ကၠေၚ်ဓာတ် 95 မွဲလဳတာမ္ဂး (၄၉၅၀) ဒ္ကေဝ်၊ ကၠေၚ်ဓာတ် 92 မွဲလဳတာမ္ဂး (၄၈၀၀) ဒ္ကေဝ်၊ ကၠေၚ်ဒဳဇြေဝ်ဓမ္မတာ မွဲလဳတာဂှ် (၅၄၅၀) ဒ္ကေဝ်တုဲ ကၠေၚ်ဒဳဇြေဝ်ပရဳမဳယာန် မွဲလဳတာဂှ် (၆၀၅၀) ဒ္ကေဝ်နွံဒၟံၚ်ရ။
တော်ကဵုသတ္တာဟတုဲကၠုၚ်တေံမ္ဂး ကၠေၚ်ဓာတ် 95 ဂှ် ၚုဟ်သၠုၚ်တိုန်အာ ဗၞတ် (၁၃၀) ဒ္ကေဝ်၊ ကၠေၚ်ဓာတ် 92 ဂှ် ၚုဟ်သၠုၚ်တိုန်အာ ဗၞတ် (၉၀) ဒ္ကေဝ်တုဲ ကၠေၚ်ဒဳဇြေဝ်ဂှ် ၚုဟ်သၠုၚ်တိုန်အာ ဗၞတ် (၃၀) ဒ္ကေဝ်နွံရ။
တုဲပၠန် ကၠေၚ်စက်ပ္ဍဲဍုၚ်မန်ဂှ် ၚုဟ်ထပ်က္ဍၚ်နူကဵု ဍုၚ်ကရေၚ်လၟိုန်တုဲ ကၠေၚ်ဓာတ် 95 မွဲလဳတာဂှ် ထပ်က္ဍၚ်ဒၟံၚ် (၁၅၀) ဒ္ကေဝ်၊ ကၠေၚ် ဓာတ် 92 ဂှ် ပဵုက္ဍၚ်ဒၟံၚ် (၁၅၀) ဒ္ကေဝ်၊ ကၠေၚ်ဒဳဇြေဝ်ဓမ္မတာဂှ် ပဵုက္ဍၚ်ဒၟံၚ် (၅၄၅) ဒ္ကေဝ်တုဲ ကၠေၚ်ဒဳဇြေဝ်ပရဳမဳယာန်ဂှ် ပဵုက္ဍၚ်ဒၟံၚ် (၁၄၅) ဒ္ကေဝ်ရ။
အကာဲအရာကၠေၚ်စက်ပ္ဍဲဍုၚ်မန်လၟုဟ်ဂှ် ညးဍုၚ်ကွာန်တအ် ဒးရာန်ဒၟံၚ် နကဵုသၞောတ် ကျူအာ QR Code ဖိုဟ်တုဲ သွက်ကွဳစက် ကွဳလိုန်ဓာတ်လိုၚ်ဇြေန်ဟွံမွဲတအ် ရာန်ကၠေၚ်ဟွံဂွံဏီဖိုဟ်ရ။
င္ရုဟ်သ္ရုဂှ် က္ဍင်တိုန်မံင်အဆက်က်
ၚုဟ်သ္ၚုကာလလၟုဟ်ဂှ် ဟိုတ်နူဒှ်ဒၟံၚ်အခိၚ်အကြာ ကၠာသ္ၚုတၟိဟွံတိတ်ဏီ ကဵု သြောံတြေံအိုတ်တုဲ ၚုဟ်သ္ၚုဂှ် က္ဍၚ် သၠုၚ်တိုန်ဒၟံၚ်ဇၟာပ်သတ္တာဟရောင်။
ၚုဟ်သ္ၚုပ္ဍဲကဵု (အံက်တိုဝ်ဗာ ၂) မံက်ဏံ သ္ၚုမၞိဟ်ရာန်ဂၠိုၚ်အိုတ် ကော်သ္ၚုမောဝ်(ပေါ်ဆန်မွှေး) မွဲရိုက် ၁၀၀ ပံၚ်ဂှ် ဒှ်အာ (၁၈၀၀၀၀) ဒ္ကေဝ်တုဲ သ္ၚုဣဇၞော် ကဵု သ္ၚိကမာကျဳဂှ် ဒှ်အာမွဲရိုက် (၁၃၈၀၀၀) ဒ္ကေဝ်ရ။
သတ္တာဟတုဲကၠုၚ်တေံမ္ဂး သ္ၚိမောဝ်(ပေါ်ဆန်မွှေး) မွဲရိုက် ၁၀၀ ပံၚ်ဂှ် နွံၚုဟ် အကြာ (၁၇၅၀၀၀) ဒ္ကေဝ်တုဲ သ္ၚိဣ ဇၞော်ကဵု သ္ၚိကမာကျဳဂှ် နွံၚုဟ်အကြာ (၁၃၅၀၀၀) ဒ္ကေဝ်တုဲ တော်ကဵု သတ္တဟာတုဲကၠုၚ်ဏံမ္ဂး ၚုဟ်သ္ၚုဂှ် မွဲရိုက်တိုန်ဒှ် အာ ဗၞတ် (၅၀၀၀) ဒ္ကေဝ်ရ။
လလအ်သြောံတၟိဂွံတိတ်ဂှ်မ္ဂး ၚုဟ်သ္ၚုဂှ် သွက်ဂွံဆက်တိုန်အာနွံမံၚ်ဏီရောၚ် တၠဆေၚ်ဖျာသွံရာန်သ္ၚုလတူဍုၚ်တအ် ဟီုထ္ၜးဂွံတီကေတ်ရ။