ဗဒိုပ်သၞေဟ်ကင်ကမ္မယှေန်ပၞာန် မၞုံပ္ဍဲကွာန်ဍုင်တြေံ၊ ကြပ်ကွာန်အစေန်၊ ပွိုင်ဍုင်ရေဝ်၊ တွဵုရးဍုင်မန်ဂှ် ဒပ်မန်ရာမည (RMA) လုပ်စိုပ်ဗ္တိုက်လဝ်တုဲ အကြာပ်ဒပ်ဇၞော်မွဲတၠ ပါလုပ်ကီု သီုဖအိုတ် ပြဟ်လလုဲအာ (၃) တၠနွံရောင် နူ (RMA) လလောင်ပ္တိတ်လဝ်ရ။
ဂိတုအံက်တဝ်ဗာ စၟတ်တ္ၚဲ (၂၄) တုဲကၠုင်ဏံ အခိင်သဝ်တ္ၚဲ ၜိုတ် (၄) နာဍဳဂှ် ဒပ်မန်ရာမည (RMA) တံ လုပ်စိုပ်ဗ္တိုက်လဝ် ဗဒိုပ်သၞေဟ်ကင်ကမ္မယှေန်ပၞာန် ပ္ဍဲကွာန်ဍုင်တြေံဂှ်ရ။
အပ္ဍဲကဵုသၞေဟ်ကင်ဒးဒုင်ဗ္တိုက်ဂှ်ဝွံ အကြာပ်ဒပ်ဇၞော်မွဲတၠ ပါလုပ်ကီု သီုဖအိုတ် ပြဟ်လလုဲအာ (၃) တၠတုဲ ဒးဘဲဝပ် (၄) တၠနွံရဂှ် (RMA) လလောင်ပ္တိတ်လဝ်ရ။
လ္ပာ်ဒပ်မန်ရာမည (RMA) တံဂှ် ဟွံဒးဘဲဇီုကပုိုက်မွဲသာ် က္လေင်ဆုတ်တိတ်အာမာန်ရောင် ဂးရ။
ဗဒိုပ်သၞေဟ်ကင် မၞုံပ္ဍဲကွာန်ဍုင်တြေံဂှ်ဝွံ သ္ပမာန်ဍဵုဍိုက် ညးဍုင်ကွာန် / ညးဒေသတံ နနဲဇဳကီု၊ အာတ် / ဗက်ကေတ်မံင်သြန်ကီုဂှ်ရ ဒးလုပ်စိုပ်ဗ္တိုက်ဗီုလၟုဟ်ဏံရဂှ်လေဝ် (RMA) လလောင်ပ္တိတ်လဝ်ရ။