ဝဏ္ဏမာန် ပတိုန်ထ္ၜးလဝ်ရ။
သၟာန် ။ ။ အစဳဇန် ဇိုန်ဏှၚ်တဆိပ်ကြာ “ဝဳရဟံသာ” ကု ဥက္ကဌဂုဏ်တၟေၚ် နာဲထဝ်မန် ဗီုလဵုဂွံဒှ်ကၠုၚ် လဴစကဵုညိ?
သွဟ် ။ ။ စပ်ကဵုကၠောန်ၜိုတ် ဒတုဲဖဵုကောန်ဂကူဟီုဂှ်တှေ် ပိုဲသၟတ်တံ နကဵုဝတ်မွဲမွဲ ဒးဒတုဲဖဵုနွံမံၚ်ဏောၚ်၊ ဟိုတ်ဂှ်ရ ပိုဲတံ ညာတ်ကဏ္ဍဏံတုဲ သ္ပဝတ် မဒှ်ရ။ တုဲပၠန် က္ဍိုပ်သ္ကိုပ်အဆံၚ်ဆံၚ်တုဲကၠုၚ်တေံ ပြဟ်လလုဲအာဂှ်လေဝ် နကဵုတဆိပ်အကြာဗီုဗီုဏံဂှ် ပ္ဍဲကဵုမှာဇန်မန်ပိုဲ ဂွံကဵုလဝ်ဗီုဏံဂှ် ဟွံမွဲကၠုၚ်လဝ်ပုဟ်။ နကဵုညးဂှ်တှေ် ဒတုဲဖဵု ပ္ဍဲကောန်ဂကူမန်ပိုဲတံ နွံဂၠိုၚ်မံၚ်၊ တုဲပၠန် မွဲဒမြိပ်ဂၠံၚ်ပၠန်ဂတး ညးတံလုပ်ကၠုၚ်ဗော်ဂှ် ခိုဟ်ဟ်ကၟိုဟ်ဟ်ဖအိုတ်တုဲ ကရောံဂှ်ရ ပိုဲတံ ဘိုၚ်ဒုၚ်စသိုၚ်တုဲတှေ် ချပ်ဇန်ကၠုၚ်ဗီုဏံ ပိုဲတံ ဒးကၠောန်ထေက်ဏောၚ်၊ ဥပမာဍေံ ပိုဲရံၚ်ကဵု အာယုက်ပိုဲတံဏံတှေ် ဟွံလအ်စကွေံဟီုဟဂှ် အေဂှ်တှေ် အဃောညးဂျိုၚ်မံၚ်ဏံ ယဝ်ရ ပိုဲဂွံကၠောန်ဏာ ပိုဲဂွံပ္တိုန်ဏာ ဂုဏ်စရာဲပူဇဴဏာ နကဵုတဆိပ်အကြာမွဲမွဲကဵုဒှ် နကဵုဗီုပြၚ် မွဲနဲမွဲဗီုတုဲ ဍေံဒးရးဏောၚ် ပိုဲဂှ် ချပ်ဗီုဏံတုဲတှေ် အခိၚ်တ္ၚဲဏံ စဳဇန်ကၠုၚ် ကိစ္စပ္တိုန်ဂုဏ်စရာဲ ပ္ဍဲကဵုစၟတ်တ္ၚဲ (၂၅) တေံရ။
သၟာန် ။ ။ တၚ်ရန်တၟံ အစဳဇန် ဇိုန်ဏှၚ်တဆိပ်ကြာ “ဝဳရဟံသာ” ဏံ လဴစကဵုညိ?
သွဟ် ။ ။ ယွံ ရန်တၟံပိုဲတံဂှ်တှေ် နကဵုဂကောံနာနာ ညံၚ်ဂွံကၠောံဍအာညးသ္ကံနွံဏောၚ်၊ ဂွံကၠောန်အာ ရေၚ်တၠုၚ်အာ ပရေၚ်ဂကူမွဲစွံတုဲ ပိုဲပတဝ်ဏာက္ဍိုပ် ဗီုဂှ်မွဲ၊ တုဲမွဲပၠန်ဂှ် ကမၠောန်ပိုဲကၠောန်မံၚ်တ္ၚဲဏံ ဥပမာဍေံ ကောန်ဂကူမန်ပိုဲ ဒၞာဲညးတံကၠိမံၚ်ဂှ်တှေ် ဍေံဂွံတၟးတိုန်ကၠုၚ်၊ ဟီုစတှေ် စပ်ကဵုအခန်ကဏ္ဍ ပရေၚ်ဍုၚ်ကွာန်မန်ဒှ်ဒှ်၊ ပရေၚ်ဂကူမန်ဟီုဟီု အခန်ကဏ္ဍဏံ ညးတံလေဝ် လုပ်အာ ပ္ဍဲဗွိုၚ်ဂကူမွဲမွဲသာ်၊ ဥပမာဍေံ စိုတ်ဓါတ်ကီု၊ လညာတ်ကီု၊ ပရေၚ်ကမၠောန်ဒၞာဲလ္ၚဵု ညးတံဟွံလုက်စုက်၊ စပ်ကဵုပရေၚ်မန်တံလေဝ် ညံၚ်ဂွံကတိုၚ်ကၟိုဟ်ကီု ပိုဲတံ ရန်တၟံသာ်ဏံတုဲ ပိုဲကဵုပိုဲတံ ကသေအ်ပၟဝ် ကၠောန်ပ္တိုန်ဏာဂုဏ်စရာဲရ။
သၟာန် ။ ။ နကဵုဂကောံဖန်ဇန် ဇိုန်ဏှၚ်တဆိပ်ကြာ “ဝဳရဟံသာ” ကုဥက္ကဌဇၞော်ဂုဏ်တၟေၚ် နာဲထဝ်မန် ဟီုဂှ် ဒုၚ်သ္ဇိုၚ်ဗီုလဵုတုဲ ရုဲစှ်ဏာ ဥက္ကဌဂုဏ်တၟေၚ် နာဲထဝ်မန်ဂှ်လေဝ် ဗွဲသရောပ် လဴစကဵုညိကီု?
သွဟ် ။ ။ ‘ဝဳရဟံသာ’ ဏံဂှ် နကဵုပိုဲတှေ် ထေက်ကဵုညးဏောၚ်၊ ပိုဲညာတ်ဂှ်တှေ် နကဵုညးမွဲ ဟိုတ်နူအာယုက်ဇၞော် ဒးဒေံါဇူ ပ္ဍဲပရေၚ်မန် ကဵုအခိၚ်ဟွံမာန် ဟီုဟဂှ်၊ ညးလေဝ် ဆက်ကေတ်မံၚ်တာလျိုၚ် ပ္ဍဲကဵုဗော်ဏီ ပိုဲညာတ်ဗီုဂှ် နကဵုစိုတ်ဓါတ်ညးကီု၊ လညာတ်ညးကီု၊ ဥပမာဍေံ ၜိုန်ရ ချဳဓရာၚ်အာကၠုၚ် ဟွံမာန်ကီုလေဝ် ဇြဟတ်စိုတ်ညး ပ္ဍဲခန္ဓညး စိုတ်သကာတ်မြဟ်မံၚ်ဖိုဟ် ပိုဲညာတ်ဗီုဂှ်တုဲ အေတဆိပ်အကြာ ‘ဝဳရဟံသာ’ဏံဂှ် ထေက်ကဵုညးဏောၚ် ပ္ဍဲကဵုမန်ပိုဲ ချပ်လဝ်ဗီုဂှ်။
သၟာန် ။ ။ ဇိုန်ဏှၚ်တဆိပ်ကြာဟီုဂှ် မုဝတ္ထုပါကီု လဴဂွံတှေ် မိက်ဂွံကဵုလဴစညိကီု?
သွဟ် ။ ။ ပိုဲတံ ကၠောန်တၞးလိက် တဆိပ်အကြာ ‘ဝဳရဟံသာ’ ပိုဲချူစုတ်ဏောၚ် မုဏောၚ် ဟီုဟဂှ်တုဲ မွဲတၞး အကြာမွဲပေဘာ်ကဵု ၜါပေ ဗီုပြၚ်ခိုဟ်ဟ်မွဲဏောၚ် ဟီုဟဂှ်၊ တုဲတှေ် နကဵုတဆိပ်သၚ်္ကေတမွဲမွဲ ပိုဲကၠောန်ကဵုထဝ် နူကမ္မတဳကၠောန်ဗဒှ်တံ ချပ်လဝ် ဇန်လဝ် နကဵုၜါသာ်ဏံရ။
သၟာန် ။ ။ ပ္ဍဲကဵုအစဳဇန် ဇိုန်ဏှၚ်တဆိပ်ကြာ “ဝဳရဟံသာ” ကု ဥက္ကဌဇၞော်ဂုဏ်တၟေၚ် နာဲထဝ်မန်ဂှ် စဳဇန်ဗီုပြၚ်လဵု သွက်ဂွံကၠောန်အာနွံရော?
သွဟ် ။ ။ ပ္ဍဲကဵုစၟတ်တ္ၚဲ (၂၅) ဂှ်တှေ် ပိုဲဂှ် မိက်ဂွံကၠောန်အစဳဇန် ဗီုပြၚ်သၠဲသၠဲလးလး ဇၞော်ဇၞော်ရလေဝ်၊ ဆဂး ဗီုပြၚ်အကာဲအရာဍုၚ် ဍေံဟွံပြေပြံၚ်ကီု၊ ဟိုတ်နူကဵုယဲတုဲ အာကၠုၚ်ဍေံဟွံလောဲညးသ္ကံတုဲ ၜိုတ်ပိုဲကၠောန်ဂွံ ပ္ဍဲကဵုသ္ၚိ ညး ကွာန်ဝၚ်္ကတေံ နကဵုဗီုပြၚ် ပိုဲပကောံမၞိဟ် ၜိုတ်မွဲၜါစှော်တၠတုဲ ပိုဲကၠောန် နကဵုဖာပ်သၚ်ဏောၚ်၊ တုဲပၠန် တ္ၚဲဂှ်မ္ဂး ဒှ်တ္ၚဲညးဒှ်မၞိဟ်လေဝ် ပါလုပ်ဏောၚ်၊ သီုတ္ၚဲပ္တိုန်ဂုဏ်စရာဲညးတုဲ ပိုဲကၠောန်ကဵု ၜိုတ်ထေက်ကြိုက်ဟီုဟဂှ်လေဝ်၊ ပိုဲဂွံ ကၠောန်ကဵု မိပ်ပ်ဇြိပ်ပ်ခိုဟ်ဟ်ဂှ် ပိုဲကၠောန်ကဵုဟွံဂွံဏီ၊ ဆဂး ပ္ဍဲတ္ၚဲဂှ်မ္ဂး ပိုဲပ္တိုန်ဏာ ဂုဏ်စရာဲလၟေၚ်ၚ် ပ္ဍဲကဵုတ္ၚဲဂှ်ရ။
သၟာန် ။ ။ ပ္ဍဲကဵုအစဳဇန် ဇိုၚ်ဏှၚ်ကဵုတဆိပ်ကြာ “ဝဳရဟံသာ” ဂှ် ဂကောံလဵု ပါလုပ်ကီုရော?
သွဟ် ။ ။ ယွံ ဖအိုတ်ဂှ် ၜိုတ် (၁၂) ဂကောံ ပါလုပ်ရ။ ဂကောံထံက်ပၚ် ဗော်ဍုၚ်မန်တၟိဗဟဵုဂှ် ဂကောံပိုဲတံ၊ ဂကောံသၟတ်အနာဂတ်မန် ပ္ဍဲကဵုပွိုၚ်ဍုၚ် (Phuket)၊ ပွိုၚ်ဍုၚ်သူရာတ်၊ ဂကောံဆက်စၠောံအလုံမွဲဂၠးကဝ်၊ ဂကောံမန်ပံၚ်ကောံ၊ ဂကောံပၠတရဴဂကူမန်၊ ဂကောံမှာဇန် ထံက်ပၚ်ဂကူမန်၊ ဂကောံရီုဗၚ်ထံက်ပၚ် ဗော်ဍုၚ်မန်တၟိ၊ ဂကောံအနာဂတ် ကွာန်ကလအ်၊ ဂကောံပရဟိတ သီုဖအိုတ် (၁၂) ဂကောံ ပါလုပ်ကီုရ။
သၟာန် ။ ။ အဓိပ္ပဲါ ယၟုတဆိပ်ကြာ “ဝဳရဟံသာ” ဟီုဂှ် ပိုဲဟီုဗတ်မန်တှေ် မုဂွံအဓိပ္ပဲါသာ်လဵုရော?
သွဟ် ။ ။ အဓိပ္ပဲါ ‘ဝဳရဟံသာ’ ဂှ် ဍေံနွံမံၚ် (၃) အဆံၚ်ရ။ အဓိပ္ပဲါဍေံဂှ် မၞိဟ်ဂံၚ်သ္ကာဂှ်မွဲ၊ မၞိဟ်နွံကဵုဇဲလွဳဂှ်မွဲ၊ တုဲပၠန် မၞိဟ်ဗွဲမအဲပရဲ မၞိဟ်ဂမၠိုၚ် ထေက်ကဵုဒးရှေ်သှေ် ဟီုဟဂှ်၊ အေဇှ်တှေ် ‘ဝဳရဟံသာ’ ဏံဂှ် ထေက်ကြိုက်ဏောၚ် အေဇှ်ရ ပိုဲကဵုကၠုၚ် ယၟုဗီုဂှ်ရ။
သၟာန် ။ ။ တၚ်တၞဟ်တၞဟ် မုမိက်ဂွံဗပေၚ် နွံမံၚ်ဏီရောဂှ်လေဝ် ဟီုဗပေၚ်မာန်?
သွဟ် ။ ။ ယွံ – တၚ်ဂုဏ်ရ။ ဟိုတ်နူသၟာန်စိုပ်ကၠုၚ်ဂှ် နကဵုပိုဲတံ ၜိုတ်ထေက်ကြိုက် ဂွံအခေါၚ်ဟီုဂး သောၚ်ကလးတုဲ ပိုဲမိပ်မံၚ်စိုတ်ရ။ တုဲပၠန် အလန်လက္ကရဴဏံ မုမိက်ဂွံဟီုတှေ် အခိၚ်အခါတ္ၚဲဏံ မၞိဟ်စိုတ်ဓါတ်ဆာန်ဂကူတံဖအိုတ် စပ်ကဵုအခန်ကဏ္ဍဏံ ဗီုပြၚ်ကၠောန် ပရေၚ်ဍုၚ်ကွာန်ကီု၊ ကဏ္ဍနာနာတံဂှ် သၟတ်ပိုဲ မွဲနဲမွဲဗီု ဟီုဟဂှ်လေဝ်၊ ပိုဲတံဏံ ကတဵုဒှ်ကၠုၚ်မၞိဟ်ယျတှေ် သွက်ဂကူမွဲမွဲဂှ်တှေ် ပိုဲတံ ဒးကေတ်လဝ်ဏောၚ်၊ ဥပမာဍေံ ပိုဲတံ ခံၚ်လ္ပာ်လဟိၚ်စိုတ် အနုသုခုမဟာ၊ ခံၚ်လ္ပာ်ပရေၚ်ဍုၚ်ကွာန်ဟာ၊ ခံၚ်လ္ပာ်ပရေၚ်လိက်ပတ်ဟာ၊ ဟီုသရောပ်ထောံဂၠေံဂၠေံတှေ် ပိုဲဂကူမန်တံဖအိုတ် တာလျိုၚ်ဍေံဂွံပြေပြံၚ်ဂှ် တာလျိုၚ်ပိုဲဂှ် လ္ပကဵုသၠးညိ၊ ကေတ်လဝ်မွဲမွဲညိ၊ ဥပမာဍေံ ပိုဲဂှ် တီမံၚ် အရၚ်ဇကုသၟးတုဲ စိုပ်အခိၚ်မွဲတ္ၚဲ ဂကူပိုဲတံ ဇၞော်မောဝ်အာဟွံမာန်၊ အေဇှ်တှေ် တာလျိုၚ်ဂကူဟီုတှေ် ကောန်ဂကူမန်ပိုဲ တံသီုဖအိုတ် ညးညးအဲအဲ ကဏ္ဍညးကဵုညး ယိုက်ဂၠေၚ်အာညိဂှ် မိက်ဂွံဖတိုက်ဖအောဝ်ဏာ ဆၜိုတ်ဏံရ။
