မိလတိုပ်၊ သေပ်တေမ်ဗာ ၂၇၊ ၂၀၂၁
သၟာန် ။ ။ ဗီုပြၚ်လဵု ဒက်ပတန်လဝ် ကမ္မတဳကၠောန်ဗဒှ် တ္ၚဲကောန်ဂကူမန်ဗဟဵုကီု တုဲတှေ် သာ်လဵုချဳဓရာၚ်ဒၟံၚ် လၟေၚ်ကမၠောန်နွံ အ္စာလဴစညိ?
သွဟ် ။ ။ မၞိဟ်တာလျိုၚ်တံကီု၊ သၚ်တံကီု တိုန်စိုပ်ကၠုၚ်လဝ် ဗ္ဒဲါကၠံ၊ ဒက်လဝ်ကမ္မတဳ လၟုဟ်ဂွံ ၜိုတ် (၃) ဂိတုပြၚ်ရ။ ပ္ဍဲ (၃) ဂိတုပြၚ်ဏံဂှ် ပိုဲကော်ဂွံကောံဓရီု ဂွံအာ (၅) ဝါရ။ ဒဵုကဵုလၟုဟ် စပ်ကဵုလစှေ် ဗော်ဒုၚ်ကာဂှ်တှေ် ဒက်ဂွံလဝ် ၜိုတ် (၅) ဂကူရ။ ပ္ဍဲကဵု (၅) ဂကူဂှ် စပ်ကဵုဂၠာဲသြန်ဂအုံကီု၊ ပေဲါပြိုၚ်ပကာန်လိက်ပတ်မန်ကီု၊ လလောၚ်ပရိုၚ်ကီု၊ လဟိၚ်စိုတ်ကီု၊ ပတိတ်ကပေါတ်ကရိယာ စၟတ်သမ္တီမွဲမွဲတုဲ ပြဟ်ဟ်ဏံ ဒက်ပ္တန်လဝ် တုဲဒှ်မံၚ်အိုတ်ယျ။
သၟာန် ။ ။ ပ္ဍဲကမ္မတဳကၠောန်ဗဒှ် သ္ပစၞးဗီုလဵုတုဲ ဒက်ပတန်လဝ်၊ ဂကောံကေၚ်ကာ အဆံၚ်ဆံၚ်ဂှ် အ္စာထပ်လဴစကဵုညိကီု?
သွဟ် ။ ။ တ္ၚဲဒက်ပ္တန်ကမ္မတဳဂှ် စၟတ်တ္ၚဲ (၂၇) ဂိတု (၆) ဂှ်ရ၊ အေပ္ဍဲတ္ၚဲဂှ် တိုန်စိုပ်ကၠုၚ် မၞိဟ်စၞး (၁၃) ပွိုၚ်ဍုၚ်တုဲ ဖအိုတ်ဂှ် သၚ် (၈) ဇကု၊ မၞိဟ်စၞး (၈၆) တၠရ။ ပ္ဍဲတ္ၚဲဂှ် ပိုဲဒက်လဝ် ဂကောံ (နာယက) သၚ်တံဂှ် (၆) ဇကု၊ ခရှ်တံဂှ် (၉) တၠ ပြဟ်ဟ်ဏံဂှ် ၜိုတ်ဂှ်ဂှ် ဒက်ပ္တန်လဝ်တုဲယျ၊ တုဲပၠန် ပ္ဍဲဂကောံဥက္ကဌဂှ်တှေ် (၅) တၠ၊ ဂကောံညးအုပ်ကာဂှ် (၅) တၠ၊ ဂကောံဘဏ္ဍာကီု၊ ဂကောံစၟတ်စရၚ်ကီု အေကိစ္စဂှ် ဒက်ပ္တန်လဝ်တုဲမံၚ်ကီုရ။
သၟာန် ။ ။ ပ္ဍဲကဵုကမ္မတဳဂှ် ယၟုပူဂဵု ဂကောံဥက္ကဌကဵု ယၟုဂကောံညးအုပ်ကာဂှ်ကီု လၟိဟ်ကမ္မတဳကေၚ်ကာ နွံမူစိတၠရော?
သွဟ် ။ ။ ပ္ဍဲကဵုဒက်ပ္တန်ဂှ် ဥက္ကဌ နာဲမန်ရာဇာ၊ ဒု-ဥက္ကဌ နာဲဗညာမန် (ကော်) (နိုၚ်အောၚ်ထူး)၊ ဒု-ဥက္ကဌ (၂) ဂှ် မိလွဳဟာန်၊ ဒု-ဥက္ကဌ (၃) ဂှ် မိသုမန်၊ ဒု-ဥက္ကဌ (၄) ဂှ် နာဲဗညာသာန်၊ ဂကောံဥက္ကဌဂှ် (၅) တၠရ။ ပ္ဍဲဂကောံညးအုပ်ကာဂှ် မိစန္ဒာနန် ပွိုၚ်ဍုၚ်ကျာ်မြဟ်၊ ဖက်ဆောညးအုပ်ကာ (၁) ဂှ် နာဲမျေအ်ဥု ပွိုၚ်ဍုၚ်ပံၚ်၊ ဖက်ဆောညးအုပ်ကာ (၂) ဂှ် နာဲဆာန်လၟိုန် ပွိုၚ်ဍုၚ်မုဟ်ဍုၚ်၊ ဖက်ဆောညးအုပ်ကာ (၃) ဂှ် နာဲရတ်နန် (ကော်) (နိုၚ်ဖေသန်း) နူကဵုရးလ္ဂုၚ်တေံ၊ ဖက်ဆောညးအုပ်ကာ (၄) ဂှ် မာံအံၚ်သာန်မျဵု နူကဵုကွာန်ပ္ၚ တန်တဴမံၚ် ဍုၚ်မတ်မလီုရ။ အေဂှ်တှေ် ဂကောံညးအုပ်ကာဂှ် (၅) တၠရ။ အေဣညအ် ကော်စ ကမ္မတဳဖန်ဇန် ကမၠောန်ကေၚ် ကာရ။ ပြဟ်ဟ်လၟုဟ်ဂှ်တှေ် ပိုဲရန်လဝ် (၂၇) တၠရ။
သၟာန် ။ ။ ကိစ္စဗီုရုပ်ဂတဵုမုက်ရော အ္စာ၊ ဂွံဆဵုကေတ်မံၚ် လတူမုက်လိက် တ္ၚဲကောန်ဂကူမန်ဗဟဵုဂှ်တှေ် အ္စာတံ ဒုၚ်သ္ဇိုၚ်လတူတၚ်နၚ်လဵုတုဲတှေ် အာတ်မိက်လဝ်နွံ၊ လတူကိစ္စဂတဵုမုက်ပစူတိဂှ်ရော အ္စာလဴစကဵုညိကီု?
သွဟ် ။ ။ ဗီုရုပ်ပစူတိဂှ်တှေ် ပိုဲစွံလဝ် သၞောတ်မူနွံမွဲ၊ ဝၚ်မန်ကၠေံမံၚ်တံဂှ်တှေ် ပိုဲဓမံက်ပတိုန်၊ စပ်ကဵုလိက်ပတ်ယေန်သၞာၚ်၊ အခိုက်ကၞာပြဝေဏဳမန်၊ ညံၚ်ဂွံဇၞော်မောဝ် တဴတက်တိုန်အာ၊ စပ်ကဵုလိက်တၟံမန် နွံမံၚ်ပ္ဍဲဍုၚ်ဏံကီု၊ ဍုၚ်သၟာၚ်တံကီု ဂွံဓမံက်ပတိုန်၊ ပိုဲဒုၚ်သဇိုၚ်ကဵု အေမူဏံတုဲတှေ် ကောံဓရီုလၟေၚ် (၅) တုဲကၠုၚ်ဂှ်တှေ် ပိုဲဖျေံအာ သ္ဂုတ်သွာတ်မွဲရ။ ဂတဵုမုက် သၞာံဏံဂှ် ပိုဲဒုၚ်သဇိုၚ်ကဵု က္ဍိုပ်တၚ်နၚ် ပရောပရာ စပ်ကဵုလိက်တၟံဓမ္မစေတဳ လ္တူကျာ်လ္ဂုၚ်၊ စပ်ကဵုဝၚ်သာသနာမန်၊ စပ်ကဵုဝၚ်သၟိၚ်ဥက္ကလာပ၊ ပိုဲသ္ပသဇိုၚ်ကဵု ဝၚ်ကျာ်လ္ဂုၚ်တုဲ မပ္တံကဵု လိက်တၟံဓမ္မစေတဳ၊ ဝၚ်သာသနာမန်၊ ဝၚ်ကျာ်လ္ဂုၚ်၊ ဝၚ်သၟိၚ်ဥက္ကလာပတံဖအိုတ် ပံၚ်ကောံတုဲတှေ် ညံၚ်ဂွံတံၚ်ဓဇက်ဏာ ဗီုရုပ်ဂတဵုမုက်ပစူတိ ဖျေံလဝ်သ္ဂုတ်သွာတ် တုဲဒှ်သာ်ဂှ်ရ။
သၟာန် ။ ။ ဗီုရုပ်ဂတဵုမုက်ပစူတိဏံ အခိၚ်လဵု သ္ပဒတန်ဖျေံလဝ်ကီု အ္စာ?
သွဟ် ။ ။ ပိုဲဒုၚ်သဇိုၚ်ကဵု တၚ်တံဏံတုဲတှေ် ပိုဲအာတ်မိက် လညာတ် ကသပ် နူကဵုပွိုၚ်ဍုၚ်တံလေဝ်နွံဏောၚ်၊ ကမ္မတဳကၠောန်ဗဒှ်တံ သဳကၠဳကဵု အ္စာဒဳဇြာၚ်တုဲ ပိုဲတံၚ်ဓဇက်အာ ဗီုရုပ်ဂတဵုမုက်ပစူတိတံဏောၚ်၊ အေဂှ်တှေ် ဂိတု (၁၀) အိုတ် ညံၚ်ဂွံတိတ်မာန် ညံၚ်ဂွံဒှ်လက္ကရဴအိုတ် ပိုဲချပ်လဝ်ဗီုဂှ်ရ။
သၟာန် ။ ။ အစဳဇန် ကၠောန်တ္ၚဲကောန်ဂကူ သဘၚ်ရတုဗိုတ်ဏံဂှ်တှေ် ဗီုလဵုကၠောန်အာ၊ ဒၞာဲလဵုကၠောန်အာ နွံ အ္စာလဴစညိ?
သွဟ် ။ ။ ပြဟ်ဟ်ဂှ် ချပ်လဝ် လ္တူဍုၚ်မတ်မလီုရ။ လ္တူဍုၚ်မတ်မလီုဟီုဂှ် ဟိုတ်နူအကာဲအရာ ယဲကပ်ကီု၊ အကာဲအရာ ပရေၚ်ဍုၚ်ကွာန်နာနာသာ် ခက်ခုဲနွံတုဲ ပိုဲရန်ချပ်လဝ် (၂) ဗီုနွံရ။ ယဝ်ရ အကာဲအရာဍေံ ဟွံကဵုပုဟ်တှေ် နကဵုလ္တူအန်လာၚ်လပှ်ကျာ အဆံၚ်စိုပ်ပ် ညံၚ်ဂွံကၠောန်ဗဒှ်အာ၊ အကာဲအရာကဵုကၠုၚ်တှေ် တိတ် သၠာတ်တုဲတှေ် ကၠောန်ဏောၚ် အေဗီုဂှ် ချပ်လဝ်နွံမံၚ်၊ စပ်ကဵုဒၞာဲကၠောန်ဂှ်တှေ် ပ္ဍဲကဵုဂိတု (၁၀) ဏံ ညံၚ်ဂွံဖျေံဗီုမာန် ဟီုဂးလဝ် အပြောံနွံရ။
သၟာန် ။ ။ တ္ၚဲကောန်ဂကူမန် ပေၚ် (၇၅) သၞာံ သဘၚ်ရတုဗိုတ်ဂှ် အစဳဇန်တၟေၚ် ဗီုလဵုနွံ မိက်ဂွံကဵုအ္စာ ဟီုကဵုညိ?
သွဟ် ။ ။ ပ္ဍဲကဵုသၞာံဏံ ဟိုတ်နူသဘၚ်ရတုဗိုတ် ဗွဲမမြဟ်မြဴတဴတက် ညံၚ်ဂွံဇၞော်မောဝ် ဘိုအ်ဂွံကၠောန်ဂှ် ရန်ချပ်လဝ် နွံမံၚ်ရ။ ဆဂး အကာဲအရာဍေံ ဗီုလဵုကၠုၚ်၊ လၟုဟ်ဂှ် သှေ်မံၚ် ၜိုတ် (၄) ဂိတုပြၚ်ၚ်ဏီ၊ အကာဲအရာယဲကပ်၊ အကာဲအရာပရေၚ်ဍုၚ်ကွာန် ဗီုလဵုဍေံကၠုၚ်ဂှ် ပိုဲတော်ဆကေတ် ဟွံဒးဏီရ။ ဆဂး ပၟိက်ဆန္ဒကမ္မတဳတံဂှ် အကာဲအရာဍေံကဵုတှေ် ပိုဲတိတ်သၠာတ်ဏောၚ်၊ ဆဂး ပရေၚ်ချဳဓရာၚ် တၚ်ခက်ခုဲ နွံတၟာဂလိုၚ်၊ ဟိုတ်နူအကာဲအရာနာနာသာ် လၟုဟ်ပိုဲတံ ပ္ဍဲကဵုကောံဓရီုလၟေၚ် (၅) ပိုဲသ္ပလဝ်ဒတန် လိက်ဆဝ်မ္ၚုဟ်၊ လိက်ဖတိုက်ဖအောဝ်မွဲတၞး၊ မွဲၜါတ္ၚဲဏံတုဲတှေ် ပိုဲလလောၚ်တရးဏောၚ်။ လလောၚ်တရးဗီုလဵုဟီုတှေ် တၚ်ပ္တဝ်က္ဍိုပ်ပိုဲဂှ်ဗီုလဵု၊ တုဲတှေ် နူကဵုကမ္မတဳဗဟဵု ဒက်ပ္တန်တုဲဗက်ဟွံဂတာပ် အဆံၚ်တွဵုရး၊ အဆံၚ်ပွိုၚ်ဍုၚ်၊ အဆံၚ်ပွိုၚ်တိုက်၊ အဆံၚ်ရာပ်ကွာန်တံဂှ် ညံၚ်ဂွံဗက်အာ ကမ္မတဳကၠောန်ဗဒှ် တ္ၚဲကောန်ဂကူမန် မရနုက်ကဵု (၇၅) ဝါ၊ သဘၚ်ရတုဗိုတ်ဏံ လိက်ဆဝ်မ္ၚုဟ်ဖတိုက်ဖအောဝ်လေဝ် ပိုဲသ္ပဒတန်လဝ်တုဲယျ၊ မွဲပၠန် ပိုဲဂှ် မွဲသတ္တဟ မွဲဝါ၊ ပိုဲဂွံပတိုန်အသိၚ် တ္ၚဲကောန်ဂကူမန်ဏံ နကဵုလ္တူလပှ်ကျာ စပ်ကဵုကိစ္စလလောၚ်ပရိုၚ်ဂှ်တှေ် ပိုဲဂှ် ချပ်လဝ်နွံမံၚ်၊ ခြာဟွံလအ်တှေ် ပိုဲဂှ် ဓမံက်ရုပ်ရဴဏောၚ် အေအဓိပ္ပဲါဍေံ ဗီုဂှ်နွံရ။
သၟာန် ။ ။ ကာလတ္ၚဲဏံဂှ် ဟိုတ်နူယဲကပ်ကီု ဟိုတ်နူအကာဲအရာ ပရေၚ်ဍုၚ်ကွာန်ကီု ပ္ဍဲကဵုပရေၚ်ချဳဓရာၚ် လၟေၚ်ကမၠောန် တ္ၚဲကောန်ဂကူဗဟဵု မုတၚ်ခက်ခုဲနွံ အ္စာ?
သွဟ် ။ ။ တၚ်ခက်ခုဲဟီုတှေ် ဍေံနွံတၟာဂလိုၚ်ဏောၚ်၊ အကာဲအရာဍေံခိုဟ်ကၠုၚ်တှေ် ဗီုခိုဟ်ဂှ် ပိုဲဂှ် ပတိုန်အသိၚ် ပရေၚ်ချဳဓရာၚ်ဏောၚ်၊ ယဝ်အကာဲအရာ ဗီုလၟုဟ်တှေ် ပိုဲဒးကၠောန်မံၚ် နကဵုကောံဓရီုမှ ပိုဲဒးကၠောန်မံၚ် လ္တူလပှ်ကျာဏီ၊ အေဇှ်တှေ် စပ်ကဵုလစှေ်ဗော်ဒုၚ်ကာတံ ချပ်ရန်လဝ် ကမၠောန်ဖအိုတ် ပ္ဍဲကဵုဓမံက်ရုပ်ရဴဂှ် တၚ်ခက်ခုဲဍေံ နွံမာန်ဏောၚ်၊ ကိစ္စဏံ ပိုဲချပ်ဂွံမံၚ်ရ ဒှ်မံၚ်ဟဂှ်။
သၟာန် ။ ။ မွဲဒမြိပ်အ္စာတံ ရေၚ်တၠုၚ်ကၠောန်ကၠုၚ် တ္ၚဲကောန်ဂကူမန် လၟုဟ်တှေ် ပေၚ်ကၠုၚ် မရနုက်ကဵု (၇၅) ဝါ စိုပ်ကၠုၚ် သဘၚ်ရတုဗိုတ်ရတှေ် ဗီုလဵု ဂွံကၠုၚ်ဂုဏ်ဖဵု သွက်ဂကူမန်ဂှ် ဗွဲသရောပ် အ္စာဟီုကဵုညိ?
သွဟ် ။ ။ အေဇှ်တှေ် ပ္ဍဲမရနုက်ကဵု (၇၂) ဝါ ပ္ဍဲဗဂေါတေံဂှ်တှေ် တဴတက်ဇၞော်မောဝ်ကၠုၚ် တၟာဂလိုၚ်ရ။ (၇၃) ဝါ ကၠောန်ပ္ဍဲလ္တူဍုၚ်မတ်မလီုဂှ် ဇြဟတ်ပရေၚ်ချဳဓရာၚ်ကီု၊ ပရေၚ်ကၠောံဍကဵု ပွိုၚ်ဍုၚ်ကီု၊ ဗီုပြၚ်ကမၠောန်ဖအိုတ် ဍေံစှေ်ဗီု၊ ပ္ဍဲ (၇၄) ဝါဂှ် ပိုဲဒးကၠောန်အာ ပ္ဍဲဇြပ်မန် ဍန်န်ဂြက်က်၊ သၞာံဏံတှေ် ဟိုတ်နူဒှ်သဘၚ်ရတုဗိုတ်တုဲ ပွိုၚ်ဍုၚ်မွဲကဵုမွဲ ကဵုဗဟဵုဏံဂှ်တှေ် ဆက်စၠောံ အသိၚ်ဍေံခိုဟ်တိုန်တၟာဂလိုၚ်၊ ၜိုန်ဂှ်ကီုလေဝ် ပ္ဍဲကဵုကမ္မတဳဗဟဵုဏံ စပ်ကဵုကၠောန်တုဲဖအိုတ် ကမ္မတဳဗဟဵုဒှ်ကၠုၚ် (၄၉) ဝါတေံတုဲ စဵုကဵုစိုပ် အကာဲအရာတ္ၚဲဏံ စပ်ကဵုတ္ၚဲကောန်ဂကူဏံ ပရေၚ်ချဳဓရာၚ်ကီု၊ စိုတ်ဓါတ်ညးဍုၚ်ကွာန်တံကီု၊ အကာဲအရာ ပရေၚ်ဍုၚ်ကွာန်တံဖအိုတ် ပိုဲပံၚ်ဗစိုပ်တုဲ ဍေံဒှ်အာ ဂုဏ်ဖဵု၊ သွက်ပရေၚ်ဍုၚ်ကွာန်ကောန်ဂကူကီု၊ သွက်ပရေၚ်ဍုၚ်ကွာန်ဗော်ကီုဂှ် ဒှ်ဂုဏ်ဖဵုတၟာဂလိုၚ် ပိုဲဂွံဆဵုကေတ်ရ။ ဟိုတ်နူကဵု ပရေၚ်ချဳဓရာၚ် တ္ၚဲကောန်ဂကူဗဟဵုဏံတုဲတှေ် နူဂှ်မွဲအဆံၚ် စပ်ကဵုပေဲါရုဲမာဲ (၂၀၂၀) တေံ သွဟ်ဍေံ ခိုဟ်တိုန်တၟာဂလိုၚ် ပိုဲသ္ၚဳဂၠိပ်ဂွံရ။
သၟာန် ။ ။ ဂလာန်လက္ကရဴအိုတ် မုအ္စာ မိက်ဂွံဟီုဗပေၚ်ရော?
သွဟ် ။ ။ သၞာံဏံဂှ် ဒှ်မံၚ်သဘၚ်ရတုဗိုတ်တှေ် ဂွံဆဵုဂဗဂှ် ဍေံဟွံလောဲ၊ ယဝ်ရကမ္မတဳကၠောန်ဗဒှ် တ္ၚဲကောန်ဂကူမန် မရနုက်ကဵု (၇၅) ဝါဂှ် ကေတ်အခိၚ်ဂၠိုၚ်ၚ်တုဲတှေ် ဒက်ပ္တန်လဝ်ရ။ ဒက်ပ္တန်လဝ်တုဲတှေ် မုမိက်ဂွံဖတိုက်ဖအောဝ် ဗီုလဵုရောဟီုတှေ် အကာဲအရာဗီုလဵုကၠုၚ်ၚ်၊ လ္တူအကာဲအရာဂှ် ဍေံခိုဟ်အိုတ် ညံၚ်ဂွံဒှ်မာန် ပ္ဍဲသဘၚ်ရတုဗိုတ်ဏံ၊ ညံၚ်ဂွံဒှ်မာန်တှေ် ပိုဲပံၚ်ကောံ ဍိုက်က္ဍိုပ်ဏောၚ်၊ ဟိုတ်ဒှ်သာ်ဂှ်ရ ကမ္မတဳဗဟဵုဏံ ဒက်ပ္တန်တုဲတှေ် စပ်ကဵုကမ္မတဳကၠောန်ဗဒှ် အဆံၚ်ရးတံကီု၊ အဆံၚ်တွဵုရးကီု၊ အဆံၚ်ပွိုၚ်တိုက်ကီု၊ အဆံၚ်ပွိုၚ်ဍုၚ်ကီု၊ အဆံၚ်ဍုၚ်တံကီုဂှ်တှေ် ဗက်ထ္ၜုတ်တိုန် ကမ္မတဳကၠောန်ဗဒှ် သဘၚ်တ္ၚဲကောန်ဂကူမန် မရနုက်ကဵု (၇၅) ဝါ သဘၚ်ရတုဗိုတ်တုဲတှေ် ကဵုကသပ်၊ ကဵုလညာတ် ကဵုကမ္မတဳဗဟဵုညိ၊ တုဲတှေ် အတိုၚ်ကမ္မတဳဗဟဵုဏံ လးဖျေံလဝ် လၟေၚ်ကမၠောန်ဂှ်လေဝ် နကဵုသီုညးဖအိုတ် ဂကူမန်ပိုဲ နွံပ္ဍဲဍုၚ်ဏံကီု၊ ဍုၚ်မ္ၚးကီု၊ အတိုၚ်ပ္ကဴရန်တၟံပိုဲ စပ်ကဵုလိက်ပတ်ယေန်သၞာၚ်၊ အရေဝ်ဘာသာ၊ အခိုက်ကၞာပြဝေဏဳ ညံၚ်ဂွံဇၞော်မောဝ်တဴတက် အေဣညအ်ဂှ်မွဲတၚ်၊ မွဲတၚ်ပၠန်ဂှ် ကောန်ဂကူမန်ပိုဲဖအိုတ် ညဳသာသၟဟ်သၟန် လၟိုန်ကာလ၊ စပ်ကဵု အခေါၚ်တုပ်သၟဟ်၊ အခေါၚ်ကံကုသဵုမန် မန်ဖန်ဖက်ကေတ်တ်၊ ကၟိန်ဍုၚ်ပံၚ်ကောံဇေတ်တ် ညံၚ်ဂွံဒှ်တိုန်မာန်ဂှ်တှေ် နူကဵုကမ္မတဳဗဟဵုဏံ ဍိုက်က္ဍိုပ် စွံတၚ်ပ္တဝ်က္ဍိုပ်တုဲတှေ် ဂကူမန်ပိုဲသီုဖအိုတ် ပံၚ်ကောံရေၚ်တၠုၚ် ဘိုၚ်ဂ္စာန်အိုတ်စိုအ်ဂှ် နကဵုစၞးကမ္မတဳ မိက်ဂွံဖတိုက်ဖအောဝ်ဏာ ဗွဲမရှေ်သှေ်ရဴဂဴရ။
