တိဝါဗ္ၚ မၞုံပ္ဍဲပွိုင်ဍုင်ဇြပ်ဗုလ္ၚဵုဂှ် ဂြာတ်လဝ်မဗွဝ်ဟွံကၠုတ်တုဲ ဂွံဗတမ်မဂှ် ဒှ်ဒၟံင်ခက်ခုဲရောင် တၠဝါဗ္ၚ နူကွာန်ပ္ၚ မွဲတၠ ဟီုလဴ ထ္ၜးရ။
တုင်ကလုတ်လဝ်မဗွဝ်ဂှ် ကၠုတ်ဒၟံင်ရရဒှ်ကၠာလေဝ် ကာလကလေင် ဂြာတ်မဗွဝ် ပ္ဍဲခံက်ဂှ် ဟွံကၠုတ်တိုန်တုဲ ဂွံဗတမ်မဂှ် ဒှ်ဒၟံင်ခက်ခုဲရောင် တၠဝါဗ္ၚ နူကဵု ကွာန်ပ္ၚဂှ် ဟီုရ။
“တုင်လဝ်မဂှ် ကၠုတ်တုဲမှ ဂြာတ်စုတ်ပ္ဍဲခံက်ဂှ် မဂှ်ဟွံကၠုတ်တိုန်တုဲတှ်ေ ကလေင်တုင်တၟိပၠန် ကလေင်ဂြာတ်စုတ်ပၠန် ဟွံကၠုတ်ကၠုင်ပၠန် ဂြာတ်ဂွံၜါအလန်တုဲရ မဗွဝ်ဂှ် ဟွံကၠုတ်ကၠုင်ဏီဖုဟ်” တၠဝါဂှ် ဟီုရ။
လၟေင်လၟေင်သၞာံမ္ဂး တုင်မဗွဝ်တုဲ ဂြာတ်လဝ်မပ္ဍဲခံက်ဂှ် မွဲအလန်လေဝ်ဟွံကေင်ဒှ်ကၠုင် ဗီုသၞာံဏံတုဲ ဒှ်ကဵုမဟာ၊ ဒှ်ကဵု ဥတုဗြဲကျာဟာဂှ်လေဝ် တၠဝါဂှ် ထပ်ဟီုသာ်ဝွံပၠန်ရ။
“ခတှ်ေဝါပိုဲဂှ်တှ်ေ ဒှ်ဗီုဂှ် ၜါပိဝါ ဒှ်မံင်၊ သၞာံဏံဂှ် သ္ပသတိမွဲဂှ် ဍာ်ကၠိမံင် မုဍေံဒှ်ကေတ်ဟွံဒး ဍာ်ဂှ်ကၠိလောန်လေဝ် ဒှ်ကီု ဟာ ခယျကေတ်တှ်ေ၊ မုဒှ်ရောတှ်ေ တုင်လဝ်မဂှ် ကၠုတ်တ်ရတှ်ေ ဂြာတ်တုဲတှ်ေ တၞံသြောံဟွံတိုန် ချိုတ်အာ ဗီုသၞာံဏံ မွဲအလန်လေဝ် ဟွံကေင်ဒှ်ဏီပုဟ်” ညးဆက်ဟီုရ။
တိဝါဗ္ၚမဗွဝ်ဟွံကၠုတ် ပ္ဍဲကဵုဝါဗ္ၚပွိုင်ဍုင်ဇြပ်ဗု ကွာန်ပ္ၚဂှ် တိဝါတအ်ဂှ် ဆက်စပ်စုက်ဒၟံင်ကဵုဩင်ၜဳတုဲ သၞာံဏံဂှ် ဍာ်ကၠိခန် ဒၟံင်ဆက်ဆက်တုဲ ဟိုတ်နူဏံလေဝ် မဗွဝ်ဂြာတ်လဝ်ပ္ဍဲခံက်တအ် ဟွံကၠုတ်ဒှ်မာန်ရောင်ဂှ်လေဝ် တၠဝါဗ္ၚလ္ၚဵု ခယျဒၟံင် နွံရ။
အခိင်ဏံမ္ဂး တိဝါဗ္ၚ ဗွဲမဂၠိုင်ဂှ် ဒှ်အခိင်ဗတမ်မတုဲ တိဝါဗ္ၚမဗွဝ်ဟွံကၠုတ်တအ်ဂှ် ဂွံဗတမ်မဂှ် ဒှ်ဒၟံင်ပရေင်ခက်ခုဲကဵု မနွံ ရောင်ဂှ်လေဝ် တၠဝါဗ္ၚဂှ် ဆက်ဟီုထ္ၜးရ။