ဂိတုသေတ်တေမ်ဗာ စၟတ်တ္ၚဲ (၂၄) စနူတနေံဏအ် စဵုစိုပ် စၟတ်တ္ၚဲ (၂၇) တေံမ္ဂး အလုံကၟိန်ဍုၚ်သေံမွဲ ပ္ဍဲကဵုတွဵုရးဟွံအောန်နူ (၇၀) ဒၞါဲတအ်ဂှ် အသိၚ်ဗြဲဇၞော်ဂူစှ်ေအဆက်က်မာန်ရောၚ် နူကဵုဌာနစမ်ၜတ် အကာဲအရာဗြဲကျာကၟိန်ဍုၚ်သေံတအ် လလောၚ်တြးလဝ်ပရိုၚ်နွံရ။
ပ္ဍဲကဵုအကာဲအရာ ဗြဲကျာပ္ဍဲတ္ၚဲဏအ်ဝွံ အပ္ဍဲကၟိန်ဍုၚ်သေံ လ္ပါ်ဒိုဟ်ဗၟံက်၊ သ္ကုတ်သၠုၚ်ကျာ၊ သ္ကုတ်လဒေါဝ် ဒၞါဲဒေသဍုၚ်ဇၞော်ၜၚ်ကံက်ဂှ် ဟိုတ်နူဗြဲဂူဆက်တုဲ ပရေၚ်ဍာ်ဇၞော်၊ ဍာ်ကလိုပ် လတူဂၠံၚ်ကီု ဒၞါဲအရာပ်တအ်ကီု ကတဵုဒှ်မံၚ်နွံဂှ် ဂွံဆဵုကေတ်ရ။
ပ္ဍဲကဵုဗလးၜဳဒေသၜၚ်ကံက်ဂှ်မ္ဂး ဟိုတ်နူဇြဟတ်ကျာခိုဟ်ဂှ်ရ ဇွိုန်လပှ်ဍာ်သၠုၚ်တိုန် အကြာ (၂ – ၃) မဳတာနွံကၠုၚ်ရ။
ဒှ်သာ်ဂှ်ရ နူကဵုအလဵုအသဳသေံတအ် လလောၚ်ပတိတ်လဝ်ပရိုၚ်ကာတၟေၚ်နွံတုဲ နကဵုညးဍုၚ်ကွာန် နွံမံၚ်ဒၞါဲဒေသတိသဝ်တအ်ကီု ဒၞါဲအန္တရာဲတိဒဵုလာ်စှ်ေမာန်ကီုဂှ် မၚ်ရံၚ် အကာဲရာဗြဲဂူ ဍာ်ဇၞော်တုဲ စွံသတိ ပါဲဓလေတ် ဒၞါဲမဗၠးဘဲတေအ်အိုတ်ညိဂှ် လလောၚ်ကဵုလဝ်သတိကီုရ။
သွက်တ္ၚဲဂတဏအ်ဝွံ ဗြဲဇၞော်ဂူစှ်ေအဆက်က်မာန်ဂှ်ရ နကဵုသၟာကမၠောန်ကောန်ဍုၚ်မန်ဗၟာ နွံတန်တဴမံၚ်ဍုၚ်သေံဂမၠိုၚ် ညးနွံမံၚ်ဒၞါဲဒေသတိသဝ်ကီု ဒၞါဲတိဒဵုလာ်စှ်ေမာန်ဂှ် စွံသတိဗွဲတၟေၚ်တုဲ မၚ်ရံၚ်သ္ပသတိကဵု အကာဲအရာဗြဲကျာညိဂှ် နူကဵုဌာန်ပရိုၚ်ပိုဲတအ် လလောၚ်တြးဖ္တိုက်ဖၟောဝ်ဏာရ။