ပ္ဍဲခရိုၚ်နဃန်ပထုန် ကၟိန်ဍုၚ်သေံဂှ်ဝွံ သၟာကမၠောန်ညးဗြဴမန်မွဲတၠ သ္ဂောံကၠောန်ကမၠောန်ဂးတုဲ ကောန်ဍုၚ်ဗၟာ မၞိဟ်တြုံမွဲတၠ လီဠာန်ကော်ဏာ ကၟာတ်ခရိုၚ်လဝ်ပ္ဍဲသ္ၚိ ပွိုၚ် (၇) တ္ၚဲတုဲ သီုကဵုသ္ပပလီုလဝ်ကောန်သမ္ဘာ ကီုရောၚ် ဂွံတီကေတ်ရ။
တုဲကၠုၚ်ဂိတုဂျူလာၚ် စၟတ်တ္ၚဲ (၁၂) အခိၚ်ဗ္တမ် (၈) နာဍဳပြၚ်ၚ်ဂှ်ဝွံ ညးဗြဴဏအ် ဂြိပ်တိတ်ကၠုၚ်ကဵု ကွဳလိုန်ဓါတ် နူဇရေၚ်သ္ၚိမၞိဟ်တြုံဂှ်တုဲ လုပ်စိုပ်ကၠုၚ် အာတ်အရီုဗၚ် ပ္ဍဲဒပ်ဗၠာဲသၟိၚ်သေံ ထံၚ်ထဳခယုဂှ်ရ။
ညးဗြဴမန်ဏအ်ဝွံ မွဲအသိၚ်ဖေက်လကိုတ်ဂှ် ဟီုအရေဝ်သေံဟွံလေပ် ထ္ၜးဗီုပြၚ်တုဲ အာတ်အရီုဗၚ် ကုဗၠာဲသၟိၚ်သေံတအ်ရ။
ညးဗြဴမန်ဂှ်ဝွံ အာယုက် (၂၆) သၞာံ၊ ဂွံကၠောန်ကမၠောန်ဂးတုဲ ‘’မၞိဟ်တြုံဂကူမွဲတၠဂှ် လီဠာန်ကော်ဏာ ဗက်အာပ္ဍဲသ္ၚိတုဲ ဟွံထေၚ်လဝ်မွဲသာ် ရပ်ကဵုစကာသ္ပမာန်ပ္ဍဵုပ္ဍိုက် သီုကၠောန်သ္ပပလီု ကောန်သမ္ဘာကီု ဆ္ဂးဂှ်သၟးဟွံက သီုကဵုကော်သ္ပနဒဒှ်ဗြဴအတေၚ်လေဝ် ဟီုဂးလဝ်ကီုရောၚ်’’ သာ်ဝွံ ညးဗြဴမန်ဂှ် ဟီုလဴနၚ်ရ။
ပြဟ်ဟ်ဏအ်ဝွံ ညးတြုံဂကူဗၟာဂှ် ဟိုတ်မကၟာတ်ခရိုၚ်လဝ် မၞိဟ်ဗွဲဟွံလုပ်သၞောဝ်ကီု ဟိုတ်ကၠောန်သ္ပပလီုကောန်သမ္ဘာကီုကိစ္စဏအ် ဒးကေတ်အရေဝ်ပေၚ်ၚ်မာန်တုဲ ပရူဒဒှ်ဍာံ ညံၚ်သ္ဂောံမံက်အာပြဟ်ဟ်မာန်ဂှ် ဆက်ဂၠိုက်ဂၠာဲစၟဳစၟတ်မံၚ်ဖိုဟ်ရောၚ် ဂွံတီကေတ်ရ။
ဗီုရုပ် – Thai News